دنیا کے سب سے بڑے سرچ انجن گوگل نے ایک نئی تجرباتی ایپلیکیشن ‘Google AI Edge Gallery‘ متعارف کرائی ہے، جس کا مقصد صارفین کو آف لائن اے آئی ماڈلز تک رسائی دینا ہے۔

ٹیکنالوجی ویب سائٹس کے مطابق، یہ ایپ صارفین کو اپنے اسمارٹ فونز پر مختلف مصنوعی ذہانت پر مبنی ماڈلز ڈاؤن لوڈ کرنے اور بغیر انٹرنیٹ کے استعمال کرنے کی سہولت فراہم کرتی ہے۔ اس پیش رفت کا فائدہ اُن صارفین کو ہوگا جو یا تو محدود انٹرنیٹ کنکشن رکھتے ہیں یا اپنی ذاتی معلومات کو کلاؤڈ پر بھیجنے سے گریز کرتے ہیں۔

اہم فیچرز:

ایپ کے ذریعے صارفین تصویری تخلیق، سوالات کے جوابات، کوڈنگ، اور ایڈیٹنگ جیسے کام آف لائن انجام دے سکتے ہیں۔

گوگل سرچ ہوم پیج پر اے آئی موڈ شامل کرنے کا امکان

امریکا میں چند محدود صارفین کے لیے اس فیچر کی آزمائش شروع کر دی گئی ہے

’پرومپٹ لیب‘ نامی ایک خاص فیچر شامل کیا گیا ہے، جو صارفین کو متن کو مختصر کرنے، دوبارہ تحریر کرنے اور دیگر ذہین تحریری کام سرانجام دینے کی سہولت دیتا ہے۔

صارفین مختلف ٹیمپلیٹس اور کسٹم سیٹنگز کے ذریعے ماڈلز کی کارکردگی کو اپنی ضروریات کے مطابق ڈھال سکتے ہیں۔

پرفارمنس اور دستیابی:

گوگل کے مطابق، اے آئی ماڈلز کی کارکردگی اسمارٹ فون کی ہارڈویئر صلاحیتوں پر منحصر ہوگی۔ جدید اور طاقتور ڈیوائسز پر یہ ماڈلز زیادہ تیزی سے کام کریں گے، جبکہ بڑے ماڈلز کو مکمل طور پر لوڈ ہونے میں کچھ وقت درکار ہو سکتا ہے۔

یہ ایپ فی الحال اینڈرائیڈ صارفین کے لیے دستیاب ہے اور گوگل کی GitHub ریپوزٹری سے ڈاؤن لوڈ کی جاسکتی ہے۔ یہ ایکسپیریمنٹل الفا ریلیز کے طور پر پیش کی گئی ہے، اور گوگل نے ڈویلپر کمیونٹی سے اس پر فیڈبیک دینے کی دعوت دی ہے۔ امکان ہے کہ مستقبل قریب میں یہ ایپ iOS صارفین کے لیے بھی جاری کی جائے گی۔