انفوٹینمنٹ

ہمایوں دراصل ایک بچہ ہے، ماہرہ خان کا دلچسپ تبصرہ

دونوں اداکاروں کی خوبصورت کیمسٹری اور دوستانہ انداز کو مداح خوب سراہ رہے ہیں

Web Desk

12 months ago

ہمایوں دراصل ایک بچہ ہے، ماہرہ خان کا دلچسپ تبصرہ

دونوں اداکاروں کی خوبصورت کیمسٹری اور دوستانہ انداز کو مداح خوب سراہ رہے ہیں

نامور اداکارہ ماہرہ خان اور سینئر فنکار ہمایوں سعید ایک بار پھر عیدالاضحیٰ کے موقع پر اپنی نئی فلم ’لو گرو‘ کے ذریعے سلور اسکرین پر جلوہ گر ہو رہے ہیں۔

فلم کی ریلیز سے قبل دونوں فنکار عالمی پروموشنل ٹورز پر مصروف رہے، جن میں امریکہ، برطانیہ اور دبئی شامل ہیں، جہاں انہوں نے مداحوں سے ملاقاتیں کیں اور فلم کی بھرپور انداز میں تشہیر کی۔

تشہیری مہم کے دوران ایک شو میں گفتگو کرتے ہوئے ماہرہ خان نے ہمایوں سعید کے حوالے سے نہایت دلچسپ بات کی، جس پر ناظرین خوب محظوظ ہوئے۔

ماہرہ خان نے مسکراتے ہوئے کہا کہ ہمایوں بظاہر ایک سنجیدہ اور بالغ شخصیت کے مالک ہیں، مگر میرے نزدیک وہ دراصل ایک معصوم بچے جیسے ہیں۔

جب بھی میں اُنہیں دیکھتی ہوں، مجھے ایسا محسوس ہوتا ہے جیسے ایک بچے نے ہمایوں کا چہرہ پہن رکھا ہو۔ اُس بچے کے منہ میں چوسنی ہو اور گردن میں ایک ننھا سا ’بِب‘ (baby bib) ہو۔

انہوں نے مزید وضاحت کی کہ ہمایوں کی شخصیت میں ایک معصومیت ہے جو اُنہیں سب سے منفرد اور پسندیدہ بناتی ہے۔

ماہرہ خان کے اس پُر مزاح اور بےتکلف تبصرے کو سوشل میڈیا پر بھرپور پذیرائی مل رہی ہے، اور مداح دونوں اداکاروں کی خوبصورت کیمسٹری اور دوستانہ انداز کو خوب سراہ رہے ہیں۔