پاکستانی ٹک ٹاکر ثنا یوسف کے قتل کے ملزم عمر حیات عرف 'کاکا' کی مقتولہ کے گھر سے فرار ہوتے ہوئے سی سی ٹی وی فوٹیج وائرل ہوگئی۔

ثنا یوسف کے قتل کی خبر منظرِ عام پر آتے ہی دو امکانات ظاہر کیے جارہے تھے کہ آیا انہیں غیرت کے نام پر قتل کیا گیا ہے یا پھر انکو قتل کرنے والا کوئی انکا عاشق تھا جس نے انکو قتل کردیا۔

ثنا یوسف کے قتل کی تحقیقات کرتے ہوئے پولیس نے ان دونوں ہی پہلوؤں پر توجہ دی لیکن یہ دونوں ہی باتیں محض افواہ ثابت ہوئیں۔

مقتولہ ٹک ٹاکر ثنا یوسف کون تھیں؟

مقتولہ ٹک ٹاکر ثنا یوسف کون تھی؟پاکستانی ٹک ٹاک اسٹار و ڈیجیٹیل کانٹینٹ کریئٹر...

چترالی ٹک ٹاکر ثنا یوسف اسلام آباد میں رہائش پذیر تھیں جہاں وہ گھومتے پھرتے ہوئے ویڈیوز بناتی تھیں، کبھی وہ کسی برانڈ کے کپڑوں کی تشہیر کرتی نظر آتی تھیں تو کبھی وہ کسی ریسٹورنٹ کی پروموشن کرتی دکھتی تھیں۔

ثنا یوسف کو اتنی شہرت انکی ویڈیوز نہیں دلوا پائیں جتنی انکی حیران کن موت نے انہیں گھر گھر مشہور کروادیا۔

ثنا یوسف کے قتل کی گتھی جو الجھی ہوئی نظر آرہی تھی اسلام آباد پولیس نے سلجھادی ہے جس کے پیشِ نظر ثنا یوسف معصوم پائی گئیں ہیں جنہیں ایک شخص نے انکے گھر میں گھس کر قتل کیا۔

تحقیقات کے مطابق ثناء یوسف کے قتل کے ملزم کی شناخت عمر حیات عرف کاکا کے نام سے ہوئی اور وہ خود بھی ٹک ٹاکر ہے جب کہ ملزم نے خود کو مقتولہ کا دوست بتایا ہے۔

ثنا یوسف قتل کیس، آئی جی کے تہلکہ خیز انکشافات

آئی جی اسلام آباد کی پریس کانفرنس

2 جون کو عمر حیات مقتولہ کے گھر میں داخل ہوا اور سینے میں دو گولیاں مار کر وہاں سے مقتولہ کا موبائل اور آلہ قتل لیکر فرار ہوگیا۔

ملزم عمر حیات کی ثنا یوسف کو قتل کرنے کے بعد انکے گھر سے باہر نکلتے ہوئے ویڈیو سی سی ٹی وی کیمروں میں ریکارڈ ہوگئی جو سوشل میڈیا پر زیرِ گردش ہے۔

CCTV فوٹیج میں ملزم کو سیاہ شرٹ، سفید پینٹس پہنے دیکھا جاسکتا ہے جس نے چہرے پر سرجیکل ماسک بھی پہن رکھا ہے۔

ملزم تیز رفتاری سے سڑک پر چلتا نظر آیا اور اس دوران  ممکنہ طور پر وہ موبائل استعمال کر رہا تھا جس کو اس نے پینٹ کی جیب میں رکھ لیا۔