سوشل میڈیا

علشبہ انجم نے بہن کو جھوٹا قرار دیدیا

ہم نے یہ فلائٹ مکمل طور پر بُک نہیں کی تھی۔۔

Web Desk

9 months ago

علشبہ انجم نے بہن کو جھوٹا قرار دیدیا

ہم نے یہ فلائٹ مکمل طور پر بُک نہیں کی تھی۔۔

پاکستان کی مشہور ٹک ٹاکر اور سوشل میڈیا اسٹار جنت مرزا کی بہن، علشبہ انجم نے اپنے وائرل ہونے والے بیان کی وضاحت دے دی۔

انسٹاگرام پر شیئر کی گئی اسٹوری میں علشبہ انجم نے واضح کیا کہ جس فلائٹ کی ویڈیو سوشل میڈیا پر گردش کر رہی ہے، اس میں صرف 37 مسافر موجود تھے، اسی لیے طیارہ خالی محسوس ہو رہا تھا۔

انہوں نے کہا کہ ہم نے یہ فلائٹ مکمل طور پر بُک نہیں کی تھی اور نہ ہی ایسا کوئی دعویٰ کیا گیا۔ خالی جہاز میں سفر کا تجربہ غیرمعمولی تھا، اس لیے ہمیں یہ دلچسپ لگا اور ہم نے ویڈیو بنائی۔

یہ وضاحت اس وقت سامنے آئی جب جنت مرزا نے ایک ویڈیو میں کہا تھا کہ وہ اور ان کے اہلِ خانہ حج کی ادائیگی کے لیے جا رہے ہیں اور ان کے والد نے ‘پورا جہاز بُک کروا لیا ہے‘، جس کے بعد سوشل میڈیا صارفین کی جانب سے تنقید کی گئی۔

یاد رہے کہ جنت مرزا، جن کے انسٹاگرام پر 6.1 ملین اور ٹک ٹاک پر 25.6 ملین فالوورز ہیں، اس سال اپنے اہلِ خانہ کے ساتھ حج کی سعادت حاصل کرنے والوں میں شامل ہیں۔

علشبہ کی وضاحت کا مقصد اس غلط فہمی کو دور کرنا تھا جو جنت مرزا کے بیان کے بعد پیدا ہوئی تھی۔