شہر قائد 4 دن سے مسلسل زلزلوں کی زد میں ہے، جس کا سلسلہ آج بھی جاری ہے جبکہ اسی ہفتے کراچی میں شدید زلزلے کا خدشہ ظاہر کر دیا گیا ہے۔

کراچی میں اتوار سے اب تک 26 زلزلے محسوس کیے جا چکے ہیں، جس سے شہری خوف زدہ ہیں۔

کراچی کی تاریخ میں پہلی بار 3 دن میں زلزلے کے 21 جھٹکے، شہری خوفزدہ

مسلسل جھٹکوں کے سبب عوام میں شدید خوف و ہراس پایا جارہا ہے

زلزلہ پیما مرکز کے مطابق کراچی میں رات گئے زلزلے کے مزید تین جھٹکے محسوس کیے گئے، تینوں زلزلوں کی شدت 3.1 سے 2 تک محسوس کی گئی جبکہ گہرائی 80 سے 30 کلومیٹر تک رکارڈکی گئی۔

چیف میٹرولوجسٹ امیرحیدرلغاری کا کہنا ہے کہ کراچی میں یکم جون سے آنے والے زلزلوں کی تعداد 26 ہوگئی، زلزلےکے معمولی جھٹکے مزید ایک ہفتے تک محسوس کیے جا سکتے ہیں۔

انہوں نے کہا کہ زلزلے لانڈھی فالٹ لائن فعال ہونےکی وجہ سےآرہے ہیں اور یہ فالٹ لائن اب معمول پر آنے کے عمل سے گزر رہی ہے۔

کراچی میں 24 گھنٹوں کے دوران زلزلے کے 7 جھٹکے، وجہ کیا؟

فالٹ لائن کو معمول پر آنے میں چند روز لگ سکتے ہیں، چیف میٹرولوجسٹ

'ارلی سونامی وارننگ سیل' کا کہنا ہے کہ کراچی کی تاریخ میں اس تعداد میں زلزلے آنے کی کوئی مثال نہیں ملتی، یہ غیر معمولی ہے۔

یکم جون بروز اتوار کی شام سے مسلسل جھٹکوں کے سبب عوام میں شدید خوف ہراس پایا جارہا ہے اور شہری رات سڑکوں پر گزارنے پر مجبور ہوگئے۔

سب سے زیادہ جھٹکے قائد آباد، ملیر، سعود آباد، کھوکھرا پار، اسٹیل ٹاؤن اور گلستانِ جوہر سمیت اطراف کے علاقوں میں محسوس کیے گئے۔

اچانک لرزتی زمین نے شہریوں کو گھروں سے باہر نکلنے پر مجبور کر دیا اور بہت سے لوگ کلمہ طیبہ کا ورد کرتے ہوئے محفوظ مقامات کی جانب دوڑتے دکھائی دیے۔

ہفتے کی رات تک کراچی میں بڑا زلزلہ آنے کا خدشہ

دریں اثنا نجی ادارے ’ارتھ کوئیک نیوز اینڈریسرچ سنٹر‘ نے اسی ہفتے کراچی میں شدید زلزلے کا خدشہ ظاہر کر دیا ہے۔

منگل کو نیشنل پریس کلب اسلام آباد میں پریس کانفرنس کرتے ہوئے ادارے کے سی ای او محمد شہباز لغاری نے کہا کہ ارتھ کوئیک نیوز اینڈ ریسرچ سنٹر زلزلے کی پیشگی اطلاع دینے والا دنیا کا پہلا ریسرچ سنٹر ہے، جس کے ثبوت کا ریکارڈ ان کے یو ٹیوب چینل 'ای کیو کیو این' پر موجود ہے۔

کراچی؛ زلزلے کے جھٹکوں کے دوران 200 سے زائد قیدی جیل سے فرار

80 قیدیوں کو دوبارہ گرفتار کرلیا گیا، 135 سے زائد قیدی تاحال فرار ہیں

محمد شہباز لغاری نے خبردار کیا کہ کراچی میں آنے والے حالیہ زلزلوں کو نظر انداز نہ کیا جائے، جمعرات کی رات سے ہفتے کی رات کے دوران زیادہ شدت کے زلزلے آسکتے ہیں، چھوٹے زلزلے بڑے زلزلوں کے امکان کو کم کرتے ہیں۔

انہوں نے کہا کہ ہم پر خوف و ہراس پھیلانے کا الزام لگایا جاتا ہے تاہم ہم پیشگی اطلاع کے ذریعے حکومت اور عوام کو حفاظتی تدابیر اختیار کرنے کی طرف مائل کرتے ہیں، اپنے ملک میں کام کرنے سے روکا جا رہا ہے اور حوصلہ شکنی کی جا رہی ہے جبکہ بیرون ممالک سے حوصلہ افزائی اور ملکر کام کرنے کی آفرز آ رہی ہیں۔

اُن کا کہنا تھا کہ حکومت تعاون کرے تو زلزلوں کی پیشگی اطلاع کاسسٹم بنا سکتا ہوں جس سے پاکستان کو کثیر زرمبادلہ حاصل ہونے کے علاوہ دنیا میں نام مزید اونچا ہوسکتا ہے، اگر حکومت نے تعاون نہ کیا تو دوسرے ممالک سے ملکر یہ آلات بنانے میں مصروف عمل ہو جائینگے جس سے پاکستان اور قوم اس عظیم اعزاز سے محروم ہو جائے گی۔