اداکارہ حریم سہیل نے سوشل میڈیا سے اداکاری کے شعبے میں آنے والے افراد پر تنقید کرتے ہوئے کہا ہے کہ اداکاری ایک فطری اور سنجیدہ فن ہے، جو ہر کسی کے بس کی بات نہیں۔

ڈرامہ سیریل ’اقتدار ‘میں اداکاری کے جوہر دکھانے والی اداکارہ حریم سہیل نے ایک حالیہ پوڈکاسٹ میں ٹک ٹاکرز پر کھل کر اظہارِ خیال کیا۔ 

حریم، سینئر اداکارہ بینا چوہدری کی صاحبزادی ہیں اور تیزی سے ڈرامہ انڈسٹری میں اپنی منفرد پہچان قائم کر رہی ہیں۔

حریم سہیل نے ابتدا میں شوہر کو شادی سے انکار کیوں کیا؟

ریان حریم کی قریبی دوست زینب کے اسکول کے سینئر تھے

پوڈکاسٹ میں گفتگو کے دوران انہوں نے کہا کہ محض سوشل میڈیا پر فالوورز کی بنیاد پر اداکاری کے مواقع ملنا ایک عام رجحان بنتا جا رہا ہے، جبکہ حقیقت یہ ہے کہ اداکاری ایک نازک اور گہرا فن ہے، جس کے لیے خداداد صلاحیت، مشق اور تجربہ ضروری ہے۔

انہوں نے وضاحت کی کہ ٹک ٹاک اور اداکاری دو بالکل مختلف دنیائیں ہیں۔ ٹک ٹاک ویڈیوز میں مخصوص زاویے، فلٹرز اور لبوں کی ہم آہنگی سے کام لیا جاتا ہے، جبکہ اصل اداکاری کیمرے کے سامنے کئی لوگوں کی موجودگی میں مختلف جذبات، تاثرات اور زاویوں کے ساتھ کی جاتی ہے، جس میں کسی بھی خامی کی گنجائش نہیں ہوتی۔

حریم سہیل کا کہنا تھا کہ اداکاری صرف خوبصورتی یا وائرل ہونے سے ممکن نہیں، بلکہ اس کے پیچھے محنت، لگن اور گہرائی درکار ہوتی ہے۔

 اگر کوئی سوشل میڈیا سے اس فیلڈ میں آتا ہے تو اسے واقعی اس فن میں مہارت حاصل کرنے کے لیے سنجیدہ محنت کرنا پڑتی ہے۔