اداکار و ماڈل عمران عباس کا شمار پاکستانی شوبز کے خوبرو ترین اداکاروں میں ہوتا ہے لیکن حال ہی میں ان کے ایک پُرانے ڈرامے کا کلپ منظر عام پر آیا ہے جس میں انہیں پہچاننا تک مشکل ہورہا ہے۔

اداکار عمران عباس کا شمار اُن چند خوش نصیب فنکاروں میں ہوتا ہے جنہیں قدرت نے نہ صرف خوبصورت چہرہ عطا کیا بلکہ بے مثال اداکاری کی صلاحیت سے بھی نوازا۔

ان کا فن، انداز اور شخصیت تینوں مل کر انہیں پاکستان کے نمایاں ترین فنکاروں کی صف میں لاکھڑا کرتے ہیں۔

عمران عباس نے کئی مشہور پاکستانی ڈراموں میں اپنی جاندار اداکاری سے ناظرین کے دل جیتے۔

ان کے یادگار ڈراموں میں’ میری ذات ذرہ بے نشان‘،’ محبت تم سے نفرت ہے‘ اور ’خدا اور محبت ‘ شامل ہیں۔ ا

داکاری کے میدان میں ان کی مقبولیت سرحد پار بھارت تک پہنچی جہاں انہوں نے بالی وڈ فلموں جیسے ’کریچیئر تھری ڈی‘، ’اے دل ہے مشکل‘ اور ’ جان نثار‘ میں کام کیا۔

’ہیرامنڈی’، اصل ’تاجدار اور عالم زیب‘ عمران عباس اور ماہرہ؟

وہ وقت جب دلیپ کمار نے ماہرہ خان کو مدھوبالا سے تشبہہ دی

حال ہی میں ایک سوشل میڈیا پوسٹ نے ان کے مداحوں کو چونکا دیا ،جس میں بتایا گیا کہ عمران عباس نے اپنے کریئر کا آغاز 14 سال کی عمر میں پی ٹی وی کے ڈرامے’ آغوش‘ سے کیا تھا جو 1993 میں نشر ہوا تھا۔

اس پوسٹ کے ساتھ ماضی کی ایک تصویر بھی شیئر کی گئی، جس میں کمسن عمران کو پہچاننا خاصا مشکل تھا۔

یہ تصویر سامنے آتے ہی سوشل میڈیا پر دلچسپ تبصروں کا طوفان آ گیا۔

ایک صارف نے مزاحیہ انداز میں لکھا کہ جب عمران نے پہلا ڈراما کیا، میں چھوٹی بچی تھی، اب بوڑھی ہو چکی ہوں لیکن یہ ابھی بھی جوان لگتے ہیں، آخر یہ کون سی چکی کا آٹا کھاتے ہیں؟

جبکہ ایک اور صارف نے مذاق میں اداکار کی عمر پر تبصرہ کرتے ہوئے کہا کہ اس کا مطلب ہے کہ یہ 50 کے پیٹے میں ہیں؟ مگر لگتے تو ابھی بھی 30 کے آس پاس ہیں۔