بالی وڈ کے مسٹر پرفیکشنسٹ کہلانے والے اداکار عامر خان نے ویرات کوہلی اور جسپریت بمراہ کو کرکٹ کے پرفیکشنسٹ  قرار دے دیا ہے۔

آئی پی ایل 2025 کے فائنل میں نریندر مودی اسٹیڈیم احمد آباد میں رائل چیلنجرز بینگلور نے پنجاب کنگز کو شکست دے کر اپنی پہلی آئی پی ایل ٹرافی جیتی۔

اس تاریخی موقع پر بالی وڈ اداکار عامر خان نےکمنٹری باکس میں آکر سب کو حیران کردیا، جہاں انہوں نے سابق کرکٹر سریش رائنا اور اداکار سیاستدان روی کشن کے ساتھ مل کر ہندی اور بھوجپوری میں تبصرہ کیا۔

کوہلی پہلی بار IPL ٹرافی جیتنے پر آبدیدہ، انوشکا خوشی سے نہال

ویرات کوہلی مسلسل 18 سیزن سے رائل چیلنجرز بینگلورو کی نمائندگی کر رہے ہیں

سریش رینا نے ہنسی مذاق کے انداز میں عامر خان سے پوچھا کہ بالی وڈ کے ’پرفیکشنسٹ‘ کے کرکٹ میں ہم منصب کون ہیں؟

اس پر عامر خان نے مسکراتے ہوئے جواب دیا کہ میں سچن ٹنڈولکر کو ہمیشہ پرفیکشنسٹ کہتا آیا ہوں لیکن آج میں سمجھتا ہوں کہ ویرات کوہلی اور جسپریت بمراہ بھی پرفیکشنسٹ ہیں۔

ان کے اس تبصرے پر ساتھی کمنٹیٹرز نے بھی اتفاق ظاہر کیا اور شائقین نے آر سی بی کو طویل انتظار کے بعد ملنے والی جیت کا زبردست جشن منایا۔

عامر خان نے بطور اداکار اپنی آخری فلم کا نام بتادیا

میری خواہش تو یہ ہے کہ میں کام کرتے کرتے دنیا سے جاؤں، عامر خان

روی کشن جو عامر کے ساتھ کمنٹری باکس میں موجود تھے، انہوں نے دورانِ نشریات عامر کی آنے والی فلم کی تعریف کرتے ہوئے بھوجپوری میں کہا کہ میں پورے بھارت سے کہنا چاہتا ہوں، اب ’ستارے زمین پر‘ آ رہا ہے۔

خیال رہے کہ عامر خان تین سال کے طویل وقفے کے بعد بڑے پردے پر واپسی کر رہے ہیں اپنی فلم ’ستارے زمین پر‘ کے ساتھ، جو کہ ان کی مشہور فلم ’تارے زمین پر‘ کا اسپرچوئل سیکوئل ہے۔

یہ فلم 20 جون کو ریلیز ہو رہی ہے اور کہانی ایک بدمزاج فٹبال کوچ کے گرد گھومتی ہے جو خصوصی صلاحیتوں کے حامل بچوں کی ٹیم کو تربیت دیتا ہے۔

فلم کے ہدایتکار آر ایس پرسانا ہیں جبکہ پروڈیوسر خود عامر خان اور اپرنا پوروہت ہیں،اداکارہ جنیلیا دیشمکھ اس فلم میں ایک اہم کردار نبھا رہی ہیں۔

'ستارے زمین پر' کے پریمیئر کی منفرد بات کیا؟

بالی وڈ کی روایت کے برعکس ستارے زمین کا پریمیئر کی تقریب بہت خاص ہوگی۔

دوسری جانب آر سی بی کی یہ فتح تاریخی اہمیت رکھتی ہے، ٹیم نے پنجاب کنگز کو چھ رنز سے شکست دے کر اپنی پہلی آئی پی ایل ٹرافی حاصل کی، یوں 18 سالہ انتظار کا خاتمہ ہوا۔

جیت کے بعد جذبات سے مغلوب ویرات کوہلی نے مداحوں سے خطاب کرتے ہوئے کہا کہ یہ جیت جتنی ٹیم کے لیے ہے، اتنی ہی شائقین کے لیے بھی ہے۔

یہ 18 برس بہت طویل تھے، میں نے اپنی جوانی، اپنا عروج، اور تجربہ اس ٹیم کو دیا ہے،آخرکار آئی پی ایل ٹائٹل جیتنا ایک ناقابل یقین احساس ہے۔