ماہم شاہد جعفر کے نام سے مشہور پاکستان انٹرٹینمنٹ انڈسٹری کی ابھرتی ہوئی اسٹار مامیا شجفر کا دلفریب رقص سوشل میڈیا پر وائرل ہوگیا۔

انٹرنیٹ کی معروف شخصیت مامیا شجفر  جنہوں نے ماڈلنگ سے اداکاری کی دنیا کی قدم رکھا اور اپنے پرتعیش لباس اور کامیاب پراجیکٹس میں شاندار اداکاری سے نام کمایا۔

فوٹو اینڈ ویڈیو شئیرنگ ایپ انسٹاگرام پر اداکارہ نے ویڈیو شئیر کی جو دیکھتے ہی دیکھتے وائرل ہوگئی۔

اداکارہ کا ایمیزون پرائم کی سیریز جوبلی کے سنیدھی چوہان اور امیت ترویدی کے ہٹ گانے ’وہ تیرے میرے عشق کا‘، کی دھن پر دلفریب  رقص سب کی توجہ اپنی جانب مبذول کرانے میں کامیاب ہوگیا۔

پہاڑوں کی وادیوں میں مگن پیلے رنگ کے جورے میں ملبوس اداکارہ کے منفرد انداز نے انٹرنیٹ پر تہلکہ مچادیا۔

ویڈیو کی کیپشن میں انہوں نے خود کو نوری سے منسوب کرتے ہوئے لکھا کہ ’نوری کو کیا معلوم، وہ تو بس اپنے عشق کو یاد کرتی ہے۔’

انہوں نے مزید لکھا کہ ’یہ رقص میں نے بنا کسی دھن پر ریکارڈ کیا تھا اس وقت میرے ذہن میں مختلف گانے تھے  بعد ازاں میں نے اس مشہور گانے کا انتخاب کیا ۔’

واضح رہے کہ ’جوبلی’ ڈرامہ رواں سال کے آغاز میں ایمازون پرائم پر نشر ہوا ہے، اس سیریز میں پروسینجیت چٹرجی، اپارشکتی کھرانہ، سدھانت گپتا، ادیتی راؤ حیدری، ومیکا گبی، اور رام کپور سمیت ایک باصلاحیت کاسٹ شامل ہے۔

یاد رہے کہ اداکارہ ان دنوں گرین انٹرٹینمنٹ ڈرامہ سیریل ’کالج گیٹ’ میں اپنی اداکاری کے جوہر دکھا رہی ہیں۔