پاکستانی اداکار بلال عباس نے اپنی 32ویں سالگرہ کے موقع پر یادگار تصویر کے ساتھ ایک خاص پیغام بھی جاری کردیا۔

بلال عباس کا شمار پاکستان کے ان اداکاروں کی فہرست میں ہوتا ہے جنہوں نے جو بھی کردار نبھایا اس مہارت سے نبھایا کہ ناظرین اس کردار کو ان کی حقیقت سمجھ بیٹھے۔

جہاں ڈرامہ ’او رنگریزہ‘ اور ’پیار کے صدقے‘ میں بلال عباس بھولے والے لڑکے کا کردار نبھاتے نظر آئے وہیں ڈرامہ ’چیخ‘ میں وہ ایک ایسے درندہ صفت نوجوان کے کردار میں جلوہ گر ہوئے کہ دیکھنے والے نہ چاہتے ہوئے بھی ان سے نفرت کرنے پر مجبور ہو گئے۔

شاہمیر کی شبرا، عشق مرشد میں شادی کا جشن

جیسے بلال عباس اور درِفشاں کی حقیقت میں شادی ہوگئی ہو۔

بلال عباس طویل عرصے سے شوبز انڈسٹری میں اپنی خوبصورتی، دلکش مسکراہٹ اور بولتیں آنکھوں کی وجہ سے سب کے دل جیتنے میں کامیاب ہوتے چلے آرہے تھے لیکن ان کی مقبولیت کو ساتوے آسمان پر پہنچانے میں انکے ڈرامے 'عشق مرشد' نے اہم کردار ادا کیا۔

سب کے دلوں پر راج کرنے والے بلال عباس 4 جون کو اپنی سالگرہ مناتے ہیں اور رواں سال اپنی سالگرہ پر انہوں نے ایک اسپیشل پوسٹ شیئر کر کے فینز کی توجہ حاصل کرلی۔

بلال عبس نے فوٹو اینڈ ویڈیو شیئرنگ ایپ انسٹاگرام پر اپنی تصویر شیئر کی جس میں وہ کیک کاٹتے نظر آئے۔

اس موقع پر بلال عباس نے سفید کے ساتھ کریمی پینٹس پہنے نظر آئے اور انکے چہرے پر انکی دلکش مسکراہٹ ہمیشہ کی طرح سجی ہوئی تھی۔

پوسٹ کے کیپشن میں انہوں نے لکھا کہ '32ویں سالگرہ، مین شکرگزار ہوں زندگی میں ملنے والے تمام سبق، تکالیف، قہقہے اور دیر رات کی گئی اوور تھنکنگ کا، زندگی پلاٹ ٹوئسٹس اور نعمتوں سے بھری ہوئی ہے، دونوں ہی بہت اہم ہیں۔'

بلال عباس کی 'لندن ٹوور' ویڈیو شک کی نذر ہوگئی

بلال عباس پر 'لندن ٹوور' ویڈیو فوٹوشاپ کروانے کا الزام لگ گیا

انہوں نے مزید لکھا کہ 'میں ہر سال پہلے سے بہتر انسان بننے کی کوشش کرتا ہوں، کامیابی، گریس اور مزیدار کیک۔'

فینز کی جانب سے بلال عباس کو سالگرہ کی ڈھیروں مبارکباد ملنے کا سلسلہ جاری ہے اور انہیں زندگی میں کامیابی کیلئے بھی دعائیں دیتے دکھ رہے ہیں۔

یاد رہے کہ بلال عباس کے ڈرامے 'عبداللہ پور کا دیوداس' ، 'دوبارہ' ، 'ڈنک' اور  'بلا' کو بھی ناظرین کی جانب سے خوب پسند کیا گیا تھا اور ان تمام ڈراموں نے بھی انکے کامیاب کرئیر میں اہم کردار ادا کیا۔