بالی وڈ کے خوبرو اداکار وکرانت میسی اور دلکش اداکارہ شنایا کپور کی جلد آنے والی فلم'آنکھوں کی گستاخیاں' کے میکرز نے مداحوں کیلئے فلم کا موسٹ اویٹڈ ٹیزر جاری کردیا۔

شنایا، وکرانت کی 'آنکھوں کی گستاخیاں' کا پہلا پوسٹر دھوم مچاگیا

یہ رومانوی ڈرامہ فلم 25 جولائی کو سینما گھروں کی زینت بنے گی۔

ایک روز قبل'آنکھوں کی گستاخیاں' کا پہلا پوسٹر  جاری کیا گیا تھا جس کے بعد اب فلم سازوں نے فلم کا  ٹیزر بھی جاری کر دیا ہے۔

فلم کا ٹیزر اپنے زبردست جذباتی لمحات کی بدولت ایک ایسی محبت کی کہانی متعارف کرواتا ہے جو محبت، دل چھو لینے والی موسیقی اور خاموش آرزو کے عناصر کے ساتھ مداحوں کے دل جیتنے میں کامیاب ہوگئی ہے۔

بات کی جائے فلم کے ٹیزر کی تو ٹیزر ایک ایسی کہانی کا بیان کرتا ہے جہاں دو اجنبیوں کی اچانک ملاقات ایک جذباتی سفر کی بنیاد رکھتی ہے اور پھر یہ تعلق  خاموشی سے آگے بڑھتا ہے جو موسیقی کے ذریعے پروان چڑھتا ہے۔

فلم کی کہانی بھارتی مصنف رسکن بانڈ کی شارٹ اسٹوری 'دی آئیز ہیو اٹ' سے ماخوذ ہے جو  ایک نابینا موسیقار اور تھیٹر آرٹسٹ کے گرد گھومتی ہے جس میں نابینا موسیقار کا کردار وکرانت میسی جبکہ تھیٹر آرٹسٹ کا کردار شنایا کپور نے نبھایا ہے۔

وہاج علی کی آنکھوں نے کونسی گستاخی کردی ؟

پاکستانی معروف اداکار وہاج علی نے اپنی حسین آنکھوں کی گستاخیاں معاف کرنے کی...

کہانی ٹرین کے سفر کے دوران ترتیب دی گئی ہے جہاں دونوں کردار ایک دوسرے کی جسمانی شکل کے بارے میں زیادہ جانے بغیر جڑ جاتے ہیں،۔

یہ ایک سادہ لیکن جذباتی محبت کی کہانی ہے جو احساسات، بات چیت اور اس بات پر مرکوز ہے کہ لوگ بغیر بینائی کے کیسے ایک دوسرے سے متاثر ہوسکتے ہیں۔

 آنکھوں پر پٹی باندھ کر رقص کرنے سے لے کر سڑک پر خاموش لمحات تک ٹیزر میں  وکرانت اور شنایا ایک ایسی کہانی کو زندہ کرتے ہیں جو جذبات، رومانس اور دل ٹوٹنے کے گرد گھومتی ہے۔

اگرچہ ٹیزر  فلم کرداروں کے مکمل راز نہیں کھولتا لیکن اس میں اداکار وکرانت میسی ایک دلچسپ اوتار میں نظر آرہے ہیں جو انتہائی حساس ہیں اور ان کے مقابلے میں  اداکارہ شنایا کپور اپنی پرکشش اسکرین اپیرنس کی بدولت کہانی میں چار چاند لگارہی ہیں۔

سال 2025 میں بالی وڈ ڈیبیو کرنے والے 7 'اسٹار کڈز' کون؟

شدید تنقید کے باوجود سیلبریٹیز کی اگلی نسل انڈسٹری پر چھا جانے کیلئے تیار ۔

 فلم زی اسٹوڈیوز اور منی فلمز کے ذریعہ پیش کی گئی ہے جسے مانسی بگلا اور ورون بگلا نے پروڈیوس کیا ہے۔ 

'آنکھوں کی گستاخیاں' کی ہدایت کاری سنتوش سنگھ نے کی ہے اور اسے مانسی بگلا نے ہی لکھا ہے۔

رپورٹس کے مطابق  وکرانت میسی اور شنایا کپور کے دل کو چھو لینے والے رومانس کے ساتھ یہ فلم 11 جولائی 2025 کو سینما گھروں میں ریلیز ہوگی۔