معروف اداکار اور ٹی وی میزبان عمران اشرف نے انکشاف کیا ہے کہ انہوں نے محبت کے رشتے میں ہمیشہ اخلاص کو مقدم رکھا اور کبھی کسی کو جذباتی طور پر دھوکہ نہیں دیا۔

حالیہ ٹی وی شو  کے دوران جب ایک مہمان نے ان سے سوال کیا کہ انہوں نے زندگی میں کبھی کسی کو محبت میں دھوکہ دیا ہے یا نہیں، تو عمران اشرف نے  جواب دیا کہ میں نے کبھی کسی کے ساتھ بے وفائی نہیں کی، نہ ہی کسی کو محبت میں دھوکہ دیا۔

ان کا کہنا تھا کہ زندگی نے کبھی ایسا موقع ہی فراہم نہیں کیا کہ میں محبت میں کسی کے ساتھ زیادتی کرتا، اور اب تو ویسے بھی ایسا سوچنا بھی ممکن نہیں، کیونکہ میں ایک باپ ہوں۔

عمران اشرف کس بھارتی اداکارہ کے ساتھ کام کرنے کے خواہاں؟

معروف پاکستانی اداکار نے اپنی پسندیدہ بھارتی اداکارہ کا نام بتا دیا

عمران اشرف نے واضح کیا کہ والد ہونے کے ناتے وہ اب مزید ذمہ داری کا احساس رکھتے ہیں اور کسی کے ساتھ ناحق رویہ اختیار کرنا ان کے نزدیک قابلِ قبول نہیں، کیونکہ وہ سمجھتے ہیں کہ جو عمل ہم دوسروں کے ساتھ کرتے ہیں، وہی ہماری اولاد کے ساتھ بھی ہو سکتا ہے۔

ان کے اس بیان پر پروگرام میں موجود شرکاء نے بھرپور داد دی اور ان کے اخلاص پر تالیاں بجا کر خراجِ تحسین پیش کیا۔

واضح رہے کہ عمران اشرف نے 2018 میں سابق ماڈل کرن اشفاق سے شادی کی تھی، اور 2020 میں ان کے ہاں بیٹے ‘روہان‘ کی پیدائش ہوئی۔ تاہم، نومبر 2022 میں ان دونوں کے درمیان علیحدگی ہوگئی۔ بعد ازاں، دسمبر 2023 میں کرن اشفاق نے دوسری شادی کر لی، جبکہ عمران اشرف تاحال غیر شادی شدہ ہیں۔

عمران اشرف بیٹے روحام کیلئے جذباتی کیوں ہوگئے؟

عمران اشرف بیٹے کوچھوڑ کر کام پر کیسے آتے ہیں؟

دلچسپ امر یہ ہے کہ علیحدگی کے باوجود، دونوں نے اپریل 2024 میں اپنے بیٹے کی سالگرہ مشترکہ طور پر منائی، جو ان کی باہمی والدین کی حیثیت سے ذمہ داری کا عکاس ہے۔

اگرچہ عمران اشرف نے اپنی سابقہ شادی یا طلاق کے حوالے سے کبھی کھل کر بات نہیں کی، تاہم کرن اشفاق مختلف انٹرویوز اور سوشل میڈیا پر اس موضوع پر مبہم انداز میں اظہارِ خیال کر چکی ہیں۔