پاکستانی اداکار و گلوکار دانیال ظفر نے خود کو معروف یوٹیوبر ناصر خان جان سے ملوائے جانے پر ردِعمل دے دیا۔

دانیال ظفر نے گلوکاری سے اپنے شوبز کے کرئیر کا آغاز کیا تھا اور اس کے بعد 2021 میں نشر ہونے والے ڈرامے ’تانا بانا‘ میں بہترین اداکاری کے جوہر دکھاتے ہوئے مداحوں کو اپنی دلکشی کے سحر میں بھی جکڑ لیا تھا۔

دانیال ظفر کی اداکاری پر نادیہ خان فدا

'بندھن'، 'ایسی ہے تنہائی' اور 'کم ظرف' جیسے ڈراموں کو اپنی اداکاری  و خوبصورتی سے...

مذکورہ ڈرامے میں دانیال نے ’زین‘ نامی کردار نبھایا تھا جس کو بے حد پسند کیا گیا تھا اور نوجوان حسیناؤں نے دانیال ظفر کو اپنا ’کرش‘ کہنا شروع کردیا تھا۔

اگرچہ دانیال ظفر نے گلوکاری اور اداکاری دونوں ہی شعبوں میں اپنے فن کا لوہا منوانا چاہا لیکن انکی تاحال پہچان انکے بڑے بھائی و پاکستانی سپر اسٹار علی ظفر ہی ہیں۔

دانیال ظفر نے گزشتہ چند سالوں سے اپنا لُک بھی کافی تبدیل کیا جو انکی فین فالوئنگ میں کمی کا سبب بنا۔

وہ رنگے ہوئے لمبے بالوں، آنکھوں میں سرمہ اور ناخنوں پر سیاہ نیل پینٹ بھی لگائے نظر آتے ہیں جس کے سبب انہیں  سوشل میڈیا پر ٹرولنگ کا سامنا کرنا پڑتا ہے۔

دانیال ظفر کو رنگی ہوئی زلفوں اور منفرد اسٹائلنگ کی وجہ سے کبھی 'مومنہ مستحسن کا میل ورژن' قرار دیا جاتا ہے تو کبھی 'ناصر خان جان'۔

پاکستانی شوبز میں تہلکہ مچانے والی بھائیوں کی 10 جوڑیاں

مشہور پاکستانی بھائیوں کی 10 جوڑیاں کونسی؟

دانیال ظفر نے اداکار علی سفینا کے پوڈ کاسٹ میں شرکت کی جہاں وہ اپنی نجی و پیشہ ورانہ زندگی کے علاوہ ان منفی تبصروں پر بھی کھل کر بات کرتے نظر آئے۔

علی سفینا نے ناصر خان جان کہلائے جانے سے متعلق سوال کیا جس پر دانیال ظفر نے ردِعمل دیتے ہوئے کہا کہ 'آج کل ایک مخصوص لُک کو مردانہ خوبصورتی کا معیار بنادیا گیا ہے جس میں داڑھی، پولو شرٹس، ایل وی لوفرز شامل ہیں۔'

انکا کہنا تھا کہ 'اس مخصوص لُک سے ہٹ کر جو بھی نظر آئے گا اس کو شدید تنقید کا سامنا کرنا پڑتا ہے۔'

انہوں نے یہ بھی کہا کہ 'چاہے لوگ کچھ بھی کہیں وہ اپنی منفرد شناخت اور اسٹائلنگ پر ہی قائم رہیں گے کیونکہ وہ روایت سے الگ اپنی خود کی پہچان بنانے پر یقین رکھتے ہیں۔

’اس پاگل کو کوئی سمجھائے‘ ، دانیال ظفر نے خود کو ہی ’ٹرول‘ کردیا

پاکستانی گلوکار  علی ظفر کے بھائی ، اداکار وگلوکار دانیال ظفر نے اپنا خود کا مذاق...

سوشل میڈیا صارفین کی جانب سے دانیال ظفر کا یہ ردِعمل بھی تنقید کی زد میں آچکا ہے اور وہ انہیں 'ڈھیٹ' کہتے دکھ رہے ہیں۔