کرن جوہر کے نئے ریئلٹی شو 'دی ٹریٹر' میں اس بار میدان میں 20 سیلیبریٹیز ایک دوسرے کو چکمہ دینے، سازشیں رچانے اور جیتنے کی کوشش میں اتریں گے لیکن ایک نام ہے جو سب کی توجہ کا مرکز بن چکا ہے وہ ہے صوفی موتی والا۔

ایمیزون پرائم ویڈیو کا نیا ریئلٹی شو ‘ دی ٹریٹر’ جون 2025 کو ریلیز ہو رہا ہے۔

یہ شو جیسلمیر کے شاہی ہوٹل سوریہ گڑھ میں  فلمایا گیا ہے ، جہاں 20 سیلیبریٹی کنٹسٹنٹس ایک دوسرے کے آمنے سامنے ہوں گے ۔

دو گروپس بنیں گے  ، ایک ہوں گے 'اچھے شہری' اور دوسرے 'مافیا'… اور مقصد ہو گا ایک دوسرے کو دھوکہ دے کر ٹاسک جیتنا۔

اس شاندار شو کو ہوسٹ کر رہے ہیں بالی ووڈ کے مشہور فلم میکر   کرن جوہر، وہی کرن جوہر جنہوں نے ہمیں 'کبھی خوشی کبھی غم' اور 'اسٹوڈنٹ آف دی ایئر' جیسے فلمی شاہکار دیے۔

ماورا کے نکاح لُک پر بھارتی فیشن کریٹک کی شدید تنقید

صوفی موتی والا کو ماورا کے لُک کی برائی کرنا مہنگا پڑگیا

 اب بات کرتے ہیں اس شو میں شامل اُس چہرے کی جس نے انٹرنیٹ پر تہلکہ مچا دیا ہے، صوفی موتی والا۔

21 سال کے صوفی ایک مشہور سوشل میڈیا پرسنالٹی ہیں، جو انسٹاگرام پر سیلیبریٹیز کی فیشن چوائسز پر تیز، بےباک اور کبھی کبھار تیکھے انداز میں تبصرہ کرتے ہیں۔ ان کے انسٹاگرام پر 3 لاکھ 68 ہزار سے زائد  فالوورز ہیں۔

ایک انٹرویو میں صوفی نے بتایا کہ جب وہ 10ویں کلاس میں تھے، تبھی سے ان کا خواب تھا کہ وہ فیشن کرٹک بنیں۔ 15 یا 16 سال کی عمر میں وہ فیشن ایڈیٹر بننے کا خواب دیکھتے تھے، لیکن قسمت نے ان کے لیے سوشل میڈیا کا دروازہ کھول دیا

انہوں نے دھرمہ کارنر اسٹون ایجنسی (ڈی سی اے) کو 2024 میں جوائن کیا، جو نئے ڈیجیٹل ٹیلنٹس کو پروموٹ کرتی ہے۔

صوفی موتی والا نے بتایا کہ ان کے پسندیدہ ڈیزائنرز میں راہول مشرا، گورو گپتا اور ترن تہلیانی شامل ہیں۔

ان کی فیشن کریٹکس کئی بار تنازعات کا شکار بھی بنی ہیں، لیکن ان کی بےباکی نے ہی انہیں ایک منفرد شناخت دی ہے۔

‘دی ٹریٹر’ ایک ایسا گیم شو ہے جہاں ہر کھلاڑی کو سمجھداری، پلاننگ، اور اعتماد کے ساتھ کھیلنا ہوگا۔ یہ اچھائی اور برائی کی لڑائی ہے، لیکن دشمن آپ کے اپنے ہی گروپ میں چھپے ہوں گے۔

کیا صوفی موتی والا اپنی سچ بولنے والی طبیعت کے ساتھ اس چالاک شو میں سروائیو کر پائیں گے؟