ایڈ شیران  کا نیا گانا ’سافائرُ ریلیز ہو چکا ہے، اور یہ صرف ایک گانا نہیں بلکہ بھارت کے لیے ایڈ شیران کا ایک محبت بھرا پیغام ہے۔

اس خوبصورت میوزک ویڈیو کی خاص بات یہ ہے کہ اسے بھارت کے مختلف شہروں میں فلمایا گیا ہے۔ کہیں وہ کولکتہ کی سڑکوں پر گھوم رہے ہیں، کہیں حیدرآباد کے کیفے میں مقامی لوگوں کے ساتھ ڈانس کر رہے ہیں، تو کہیں وہ باہوبلی کے سیٹ پر حیران کن نظاروں میں کھوئے ہوئے ہیں۔

سب سے بڑی سرپرائز یہ ہے کہ کنگ خان شاہ رخ بھی ایڈ شیران کے ساتھ ویڈیو میں نظر آ رہے ہیں، اور صرف یہی نہیں، بلکہ اریجیت سنگھ نے بھی اس گانے میں پنجابی میں ایک خوبصورت مصرع گایا ہے۔

ارجیت سنگھ کے ٹاپ 5 گانے کونسے؟

یہ گانے نہیں سنے تو آج ہی یوٹیوب پر سنیں

ایڈ شیران نے پہلے بتایا تھا کہ اریجیت نے انہیں پنجابی لیرکس لکھنے میں مدد دی، لیکن یہ سرپرائز تھا کہ وہ خود بھی گائیں گے۔ گانے کی فضا ویسٹرم اور پنجابی فیوژن سے بھرپور ہے، اور ویڈیو کو نئے اسٹائل میں فلمایا گیا ہے، جہاں کیمرہ سیدھا ایڈ شیران کے چہرے پر فوکس کیے ہوئے ہے، جیسے ناظرین ان کے ساتھ سفر کر رہے ہوں۔

یہ گانا ایڈ شیران کے آٹھویں البم ’پلے‘ کا حصہ ہے، جو 12 ستمبر کو ریلیز ہونے والا ہے۔ اب تک اس البم کے تین گانے آ چکے ہیں، ‘عزیزم‘  جو فارسی ثقافت کو خراج تحسین پیش کرتا ہے، ’اولڈ فون’ایک جذباتی پاپ اپ ویڈیو ہے جس میں ایڈ شیران ایک چھوٹے سے پب میں پرفارم کرتے ہیں، اور اب ’سافائر‘ ریلیز ہوا ہے جس میں بھارت کے لیے بھرپور پیار ہے۔

مزید حیرت کی بات یہ ہے کہ ایڈ شیران نے پورا البم گووا کے سفر کے دوران مکمل کیا،  سمندر کے کنارے بیٹھ کر، محبت، ثقافت اور موسیقی کو ایک ساتھ باندھتے ہوئے ایڈ شیران نے اس البم میں اپنا دل اور روح ڈال دی ہے۔