اداکارہ عائزہ خان نے عید کی مصروفیات سے آگاہ کرنے کے بعد اپنے کیے وعدے کو مکمل کرتے ہوئے کیوٹنس کی انتہا کرتی ریل سوشل میڈیا کی زینت بنادی۔

فوٹو اینڈ ویڈیو شیئرنگ ایپ انسٹاگرام پر عائزہ خان نے  پوسٹ شیئر کی جس میں انہیں عید الاضحیٰ کے پہلے دن کی مناسبت سے شوہر و اداکار دانش تیمور کیساتھ ٹوئننگ کرتے دیکھا گیا۔

سلک پر بنے سفید سلور  جوڑے میں عائزہ خان آسمان سے اتری کسی پری کی مانند لگ رہے ہیں جبکہ دانش تیمور بھی چارمنگ لُک دینے میں کسی سے پیچھے نہ ہٹے۔

دو لٹوں کو چہرے پر گرائے عائزہ خان نے اپنے لُک کو سادہ رکھا ہوا تھا اور دانش کیساتھ ان لمحات کو قید کرنے کیلئے تفریح سے بھرپور رومانوی لمحات کو کیمرے میں قید کررہی ہیں۔

ساتھ ہی ایک کلپ وہ بھی آیا جب عائزہ نے دانش کو اپنے ہاتھوں سے میٹھا کھلایا اور لاکھوں لوگوں کے دل جیت لیے۔

علاوہ ازیں ویڈیو کو مزید دلچسپ بنانے کیلئے عائزہ نے اپنے لُک کی طرح سادہ اور معصوم سا گانا ’پریٹی لٹل بیبی’ بھی ایڈ کیا جس نے عائزہ کی ریل کو عید کے رنگ میں رنگ دیا۔

عائزہ خان کی عید کی تیاری سے قبل مصروفیات کیا؟

اداکارہ نے صبح سویرے کی روٹین شیئر کردی

معصومیت اور دلکشی سے بھرپور عید ریل سوشل میڈیا کی زینت بناتے ہوئے عائزہ خان نے کیپشن میں اپنے تمام فینز کو عید کی مبارکباد بھی دی۔

یاد رہے کہ کچھ دیر قبل عائزہ نے صبح سویرے کی روٹین بھی شیئر کی تھی جس میں انکی عید کی تیاری سے قبل کی مصروفیات شامل تھیں۔

ان مصروفیات سے آگاہ کرتے ہوئے عائزہ خان نے کیپشن میں فینز کو بتایا تھا وہ جلد اپنا عید لُک بھی شیئر کریں گی، جسکے اب  منظر عام پر آنے کے بعد  فینز تعریفوں کے پھول نچھاور کرتے نہیں تھک رہے۔