دو دن قبل ریلیز ہونے والی سپرکاسٹ بالی وڈ فلم ’ہاؤس فل 5‘ نے دوسرے روز 50 کروڑ روپے سے زائد کا بزنس کرلیا۔

تارون منسکھانی کی ہدایت کاری میں بننے والی فلم ’ہاؤس فل 5‘، جس میں اکشے کمار، نرگس فخری، ابھیشیک بچن، جیکولین فرنینڈس، رتیش دیشمکھ اور سوندریا شرما مرکزی کرداروں میں نظر آ رہے ہیں، بھارت میں باکس آفس پر اچھی کارکردگی دکھا رہی ہے۔

باکس آفس رزلٹ دکھانے والی ویب سائٹ کے مطابق فلم نے اب تک تقریباً 54 کروڑ کا مجموعی بزنس کر لیا ہے۔

'ہاؤس فل 5' کی کمائی کی تفصیلات

رپورٹ کے مطابق فلم نے ریلیز کے پہلے دن 24 کروڑ روپے کمائے جبکہ ہفتے کے روز فلم نے تقریباً 30 کروڑ کا بزنس کیا اور یوں 2 دن میں مجموعی کمائی 54 کروڑ کے آس پاس پہنچ گئی ہے۔

'ہاؤس فل 5' ریلیز کے پہلے ہی روز آن لائن لیک

فلم سے متعلق کئی کی ورڈز بھی ٹرینڈ کرنے لگے۔

فلم نے مجموعی طور پر 33 فیصد نشستوں کی آکیوپنسی کی اور دن گزرنے کے ساتھ ساتھ یہ تناسب بڑھتا گیا۔

دلچسپ بات یہ ہے کہ فلم نے چنئی جیسے شہروں میں بھی اچھی کارکردگی دکھائی جو ساؤتھ کی فلموں کا سب سے بڑا گڑھ مانا جاتا ہے۔

دو مختلف کلائمکس: ہاؤس فل 5 اے اور بی

’ہاؤس فل 5 ‘کو مارکیٹ میں دو مختلف کلائمکس کے ساتھ پیش کیا گیا ہے اور یہ حکمت عملی فلم کے حق میں جاتی نظر آ رہی ہے۔

ہاؤس فل5 میں بوبی دیول کا سرپرائز کیمیو

سوشل میڈیا صارفین سرپرائز کیمیو کی خبر جاری کرنے پر برس پڑے

اس بارے میں بات کرتے ہوئے ہدایتکار تارون منسکھانی نے میڈیا سے گفتگو میں کہا کہ ’ساجد ناڈیاڈوالا سر کے ذہن میں یہ خیال تقریباً 30 سال پہلے آیا تھا اور اب آخرکار وہ خیال ’ہاؤس فل 5‘ میں حقیقت بنا۔

اُن کا کہنا تھا کہ 'میرے لیے بطور ہدایتکار یہ ایک نہایت دلچسپ تجربہ تھا کہ ایک ہی فلم کو دو مختلف انجاموں کے ساتھ بناؤں'۔

انہوں نے مزید کہا کہ جب یہ خیال آتا ہے تو بہت پرجوش محسوس ہوتا ہے، ایک ہدایتکار کے طور پر آپ کو تخلیقی چیلنج کا سامنا کرنا پڑتا ہے لیکن جب آپ حقیقتاً سیٹ پر جا کر اسے عملی طور پر انجام دینے لگتے ہیں، تب اصل مشکلات کا اندازہ ہوتا ہے۔

کاسٹ میں شامل دیگر ستارے

'ہاؤس فل فرنچائز' کی اس پانچویں فلم میں مرکزی کرداروں کے ساتھ کئی دیگر معروف اداکار بھی شامل ہیں جن میں فردین خان، چترانگدا سنگھ، سونم باجوہ، سنجے دت، جیکی شروف، نانا پاٹیکر، چنکی پانڈے، جانی لیور، شریاس تلپڑے، ڈنو موریا، رنجیت اور نکیتن دھیر شامل ہیں۔