مشہور بھارتی ریپر بادشاہ نے بین الاقوامی پاپ اسٹار دُعا لیپا سے متعلق متنازع بیان پر انوکھی وضاحت دیکر توجہ سمیٹ لی۔

دعا لیپا کے بارے میں نامناسب تبصرہ بادشاہ کو مہنگا پڑ گیا

گلوکار کا عالمی پاپ اسٹار کے بارے میں تبصرہ نٹیزنز کو اچھا نہیں لگا۔

معروف بھارتی گلوکار اس وقت سوشل میڈیا پر شدید تنقید کی زد میں آ گئے جب اُنہوں نے گلوکارہ دُعا لیپا سے متعلق ایک متنازع ٹوئٹ کیا۔

مائیکرو بلاگنگ پلیٹ فارم 'ایکس' پر ایک پوسٹ میں دُعا لیپا کے ساتھ ممکنہ میوزیکل کولیبریشن سے متعلق مداح کے سوال کا جواب دیتے ہوئے بھارتی ریپر نے کہا تھا کہ وہ اس کے بجائے گلوکارہ کے ساتھ بچے پیدا کرنا پسند کریں گے۔

یہ تبصرہ بہت سے انٹرنیٹ صارفین کو اچھا نہیں لگا اور انہوں نے گلوکار کے اس بیان کو 'بیہودہ' اور 'شرمناک' قرار دیا۔

شدید تنقید کے بعد بادشاہ نے وضاحتی ٹوئٹ کی اور اپنے متنازع بیان کا دفاع کرتے ہوئے لکھا کہ 'میری نظر میں کسی عورت کو سراہنے کا سب سے بہترین طریقہ یہی ہے کہ آپ یہ خواہش ظاہر کریں کہ وہ آپ کے بچوں کی ماں بنے، میری سوچ نہیں، تمہاری سوچ سامنے آئی ہے'۔

لیکن اُن کی یہ وضاحت جلتی پر تیل ثابت ہوئی، سوشل میڈیا صارفین نے بادشاہ کے اس وضاحت کو اپنے متنازع بیان پر 'فلسفیانہ انداز' میں پردہ ڈالنے کی کوشش کے مترادف قرار دیا۔

ایک صارف نے تبصرہ کیا کہ 'کیا فضول قسم کا کور اپ ہے بھائی' جبکہ ایک اور صارف نے لکھا کہ 'دُعا لیپا سے متعلق تمہارا بیان نہ صرف توہین آمیز تھا بلکہ انتہائی گھٹیا بھی، اب 'نیک نیت' بننے کا ناٹک بند کرو'۔

بادشاہ کی 'باڈی ٹرانسفارمیشن' نے مداحوں کو حیران کردیا

بادشاہ کی تصویروں کو مداحوں نے ’ساوریا‘ لُک قرار دیا

ایک اور صارف نے طعنہ دیا کہ 'کمال مہارت سے اپنی گھٹیا بات کو چھپانے کی کوشش کی ہے، بڑے ہو جاؤ بھائی' جبکہ ایک اور صارف نے طنز کیا کہ 'بھاٸی، کور اپ تو ڈھنگ سے کیا کرو'۔

بادشاہ کے اس متنازع بیان نے سوشل میڈیا پر بڑا ہنگامہ کھڑا کر رکھا ہے، ان کا غیرمحتاط اور نامناسب تبصرہ اور پھر اُس کی متنازع وضاحت نے صورتحال کو سنبھالنے کے بجائے مزید بگاڑ دیا۔

سوشل میڈیا صارفین کا اصرار ہے کہ بادشاہ کو اپنے الفاظ واپس لینے چاہئیں اور گلوکارہ سے اپنے بیان پر معافی مانگنی چاہئیں۔