معروف ماڈل و اداکار عمر شہزاد نے انکشاف کیا ہے کہ اُن کا نکاح مسجد نبوی ﷺ میں ہونا ایک معجزے سے کم نہیں تھا، جو ان کی اہلیہ کی دیرینہ خواہش بھی تھی۔

حال ہی میں میزبان مدیحہ نقوی کے مارننگ شو میں گفتگو کرتے ہوئے عمر شہزاد نے اپنی نجی زندگی کے اہم پہلوؤں پر روشنی ڈالی اور مدینہ منورہ میں انجام پانے والے نکاح کی روح پرور تفصیلات مداحوں سے شیئر کیں۔

اداکار نے بتایا کہ اُن کا بیرون ملک نکاح کا کوئی منصوبہ نہیں تھا، لیکن جب اس بارے میں اہلیہ سے بات ہوئی تو اُنہوں نے خواہش ظاہر کی کہ نکاح مدینہ منورہ میں، مسجد نبوی ﷺ میں ہو۔ عمر شہزاد کے مطابق، اگرچہ یہ خواہش بظاہر مشکل دکھائی دیتی تھی، تاہم اللہ تعالیٰ نے یہ سعادت انہیں عطا فرمائی۔

عمر شہزاد کا نکاح کس پاکستانی اداکارہ سے ہوا؟

عمر شہزاد کی دلہنیا بھی اداکارہ نکلیں؟

انہوں نے بتایا کہ ان کے ایک قریبی دوست سعودی عرب میں مقیم ہیں جنہوں نے مکہ مکرمہ میں نکاح کی سہولت کے بارے میں آگاہ کیا، مگر مسجد نبوی ﷺ میں نکاح کے لیے اجازت حاصل کرنا قدرے مشکل عمل ہے کیونکہ ہجوم کی وجہ سے وہاں اکثر ایسی تقریبات کی اجازت نہیں دی جاتی۔

عمر شہزاد نے مزید کہا کہ نکاح کی تقریب میں صرف 21 قریبی افراد نے شرکت کی۔ ہم نے ایک بڑی ٹیم کی صورت میں جانے کے بجائے الگ الگ مسجد میں داخل ہونا مناسب سمجھا تاکہ سیکیورٹی کو کوئی شبہ نہ ہو۔ اللہ کا شکر ہے کہ ہمیں ایک مناسب جگہ مل گئی، جہاں ہم صف میں بیٹھے اور نکاح کی بابرکت رسم ادا کی گئی۔

اداکار کے مطابق نکاح کی رسم مسجد نبوی ﷺ کے ایک امام نے نہایت خاموشی اور سادگی سے مکمل کرائی۔ حتیٰ کہ امام صاحب بھی اس معاملے کو رازداری سے مکمل کرنے میں محتاط تھے، تاکہ ہجوم یا سیکیورٹی میں کوئی خلل پیدا نہ ہو۔

عمر شہزاد اہلیہ کی کھیر پکائی میں ہاتھ بٹانے پہنچ گئے

عمر شہزاد کی اہلیہ کی 'کھیر پکائی' کے چرچے کیوں؟

عمر شہزاد اور ان کی اہلیہ نے نکاح کے بعد عمرہ ادا کیا، جو کہ ان دونوں کا پہلا عمرہ تھا۔ ان کا کہنا تھا کہ یہ لمحے ان کی زندگی کے روحانی اور یادگار ترین لمحات میں سے ہیں۔

واضح رہے کہ عمر شہزاد نے سوشل میڈیا انفلوئنسر شانزے لودھی سے فروری 2025 میں مسجد نبوی ﷺ میں نکاح کیا۔ نکاح کے بعد جوڑا پاکستان واپس آیا اور یہاں روایتی تقریبات مہندی، بارات اور ولیمہ کا اہتمام کیا گیا، جن میں شوبز انڈسٹری کے معروف شخصیات نے شرکت کی۔