عیدالاضحیٰ کے موقع پر ریلیز ہونے والی فلم ’لو گرو‘ کے ہدایت کار ندیم بیگ نے انکشاف کیا کہ شوٹنگ کے دوران انہیں ہمایوں سعید پر شدید غصہ آگیا تھا۔

فلم ’لو گرو‘ کی کاسٹ  میں ہمایوں سعید، ماہرہ خان، احمد علی بٹ اور فلم کے ہدایتکار ندیم بیگ شامل ہیں۔

ان تمام شخصیات نے  ندا یاسر کے مارننگ شو ’گڈ مارننگ پاکستان‘ میں شرکت کی۔ پروگرام میں اداکاروں نے فلم سے متعلق دلچسپ واقعات اور ذاتی تجربات ناظرین سے شیئر کیے۔

گفتگو کے دوران ندیم بیگ نے انکشاف کیا کہ فلم کی شوٹنگ کے دوران ہمایوں سعید کی طبیعت اچانک ناساز ہوگئی تھی، اور اس صورتحال میں ایک ایسا لمحہ آیا جب انہیں شدید غصہ محسوس ہوا۔

انہوں نے بتایا کہ،’ہم لندن میں کسی بیرونی لوکیشن پر شوٹ کر رہے تھے جہاں لاگت بہت زیادہ تھی۔ اس دوران ہمایوں سعید کی طبیعت خراب ہوگئی لیکن اس کے باوجود وہ وقت پر شوٹ پر پہنچے۔ تاہم اُس وقت صرف آدھے گھنٹے کی روشنی باقی تھی، جس پر مجھے کافی کوفت ہوئی۔‘

ماہرہ خان نے ’لو گرو’ کی ان دیکھی جھلکیاں شیئر کردیں

شائقین فلم دیکھنے کیلئے منتظر

ندیم بیگ کا کہنا تھا کہ وہ اتنے برہم تھے کہ انہوں نے ہمایوں سعید سے کوئی بات چیت نہیں کی اور سیدھا ’ایکشن‘ کہا۔ اس موقع پر ماہرہ خان نے ندیم بیگ کے تاثرات بھانپ لیے اور پیچھے مڑ کر مسکرا دیں۔

پروگرام میں گفتگو کرتے ہوئے ندیم بیگ نے احمد علی بٹ کے حوالے سے مزاحیہ انداز میں کہا کہ اگرچہ کسی اداکار نے آج تک بہت زیادہ تنگ نہیں کیا، مگر احمد علی بٹ اکثر کہتے ہیں کہ پہلے ان کا سین ریکارڈ کیا جائے، جس پر مجھے ہنسی بھی آتی ہے اور غصہ بھی۔

فلم ’لو گرو‘ کی ہدایتکاری ندیم بیگ نے کی ہے، جبکہ کہانی واسع چوہدری نے تحریر کی ہے۔

’لو گرو’ کا رومانٹک سانگ ’بے خبریاں’ بھی مداحوں کو دیوانہ بنا گیا

ماہرہ اور ہمایوں کا رومانس دل تھامنے پر مجبور کرگیا

فلم کی عکس بندی لندن میں کی گئی ہے، جہاں ماہرہ خان ایک بااعتماد اور فن سے وابستہ لڑکی کے روپ میں جلوہ گر ہیں، جب کہ ہمایوں سعید کو ایک دل پھینک اور فلرٹی نوجوان کے کردار میں دکھایا گیا ہے، جو بعد ازاں سچی محبت میں گرفتار ہو جاتا ہے۔