عیدالاضحیٰ جہاں خوشیوں، میل ملاقات اور قربانی کی عبادت کا موقع ہوتا ہے، وہیں یہ تہوار ذائقہ دار گوشت سے بھرپور کھانوں کے بغیر مکمل نہیں ہوتا۔ پلاؤ، قورمہ، تکے، کباب اور دیگر لذیذ پکوان ہر گھر کے دسترخوان کی زینت بنتے ہیں۔ تاہم، ایسے مواقع پر جہاں کھانے کا لطف دوچند ہوتا ہے، وہیں نظامِ ہاضمہ کا خیال رکھنا بھی بے حد ضروری ہے۔

ماہرین صحت کے مطابق، اگرچہ گوشت پروٹین کا بہترین ذریعہ ہے، مگر اس میں موجود چربی کی زیادتی اور معمول سے ہٹ کر کھانے کے انداز ہاضمے کے مسائل کا سبب بن سکتے ہیں۔ ایسے میں متوازن غذا اور کچھ آسان احتیاطی تدابیر اپناتے ہوئے ہم عید کے پکوانوں کا لطف اُٹھاتے ہوئے اپنی صحت کو بھی برقرار رکھ سکتے ہیں۔

نظامِ ہاضمہ کو درست رکھنے کے لیے مفید مشورے

 سلاد اور رائتہ کو غذا کا حصہ بنائیں :

عید کے دسترخوان پر دہی، پودینہ، ہری مرچ، کھیرا اور ٹماٹر جیسے اجزاء سے تیار کردہ رائتہ اور سلاد شامل کریں۔ یہ معدے کی تیزابیت کم کرتے ہیں اور ہاضمے کے عمل کو بہتر بناتے ہیں۔

 کھانے کو اچھی طرح چبائیں :

جلدی کھانے یا بڑے نوالے نگلنے سے معدہ دباؤ میں آتا ہے۔ بہتر ہاضمے کے لیے کھانے کو آہستہ اور اچھی طرح چبا کر کھائیں۔

جسم میں چھوٹی آنت کیسے کام کرتی ہے؟

یہ پروسیس خودکار طور پر مختلف پٹھوں کا ایک مربوط سلسلہ متحرک کرتا ہے

چائے اور بلیک کافی سے پرہیز کریں :

کیفین سے بھرپور مشروبات کی جگہ سبز چائے یا ہربل ٹی استعمال کریں جو معدے کو سکون دیتی ہے اور چربی کو ہضم کرنے میں مددگار ثابت ہوتی ہے۔

کھانے کے بعد ہلکی پھلکی چہل قدمی :

بھاری کھانے کے بعد تھوڑی دیر کی واک نہ صرف اضافی کیلوریز کو ختم کرتی ہے بلکہ نظام ہاضمہ کو متحرک بھی رکھتی ہے۔

 پانی کا استعمال زیادہ کریں :

عید کے دنوں میں پانی کی مقدار بڑھا دیں، خاص طور پر صبح نہار منہ 3 سے 4 گلاس پانی پینا جسم کو ڈیٹوکس کرتا ہے اور ہاضمہ بہتر بناتا ہے۔

رمضان میں ہضم نہ ہونے والی غذائیں

ایسی کونسی غذائیں ہیں، جو ہضم نہیں ہوتیں یہ جاننے کے لئے یہ تحریر پڑھیں۔

فائبر کا استعمال بڑھائیں :

دالیں، سبزیاں اور اسپغول کا چھلکا شامل کریں تاکہ قبض سے بچا جا سکے اور معدہ فعال رہے۔

پھلوں کو ترجیح دیں :

جوس کی بجائے مکمل پھل کھائیں تاکہ فائبر براہِ راست جسم کو ملے اور نظام ہاضمہ بہتر رہے۔

غذا کے درمیان وقفہ رکھیں :

ہر دو کھانوں کے درمیان کم از کم 6 سے 8 گھنٹے کا وقفہ رکھیں تاکہ معدہ اپنا کام مکمل طور پر انجام دے سکے۔