فلم / ٹی وی

فلم ‘دیمک‘ کی باکس آفس پر کامیابی، نیا ریکارڈ قائم

فلم ملک بھر میں شائقین کی بھرپور پذیرائی حاصل کر رہی ہے

Web Desk

8 months ago

فلم ‘دیمک‘ کی باکس آفس پر کامیابی، نیا ریکارڈ قائم

فلم ملک بھر میں شائقین کی بھرپور پذیرائی حاصل کر رہی ہے

جیو فلمز کے اشتراک سے ریلیز ہونے والی ہارر فلم ‘دیمک‘ نے اپنے ریلیز کے ابتدائی ہفتے میں ہی شاندار کامیابی حاصل کرتے ہوئے پاکستانی سنیما کی تاریخ میں ایک نیا سنگِ میل عبور کر لیا ہے۔

فلم نے اب تک 6 کروڑ روپے سے زائد کا بزنس کر لیا ہے اور ملک بھر میں شائقین کی بھرپور پذیرائی حاصل کر رہی ہے۔ فلم کو ناظرین کی جانب سے کہانی، سسپنس، جدید سینماٹوگرافی اور خوفناک مناظر کے سبب خوب سراہا جا رہا ہے، جس نے اسے دیگر ہارر فلموں سے نمایاں کر دیا ہے۔

ایگزیکٹو پروڈیوسر سید مراد علی کی نگرانی، ہدایتکار رافع راشدی کی ہدایت کاری اور عائشہ مظفر کی دلکش تحریر پر مبنی یہ فلم نہ صرف سنسنی اور دہشت سے بھرپور ہے بلکہ اس میں معاشرتی پہلوؤں اور انسانی جذبات کو بھی نہایت خوبصورتی سے پیش کیا گیا ہے۔

فلم کی کاسٹ میں فیصل قریشی اور سونیا حسین کے مرکزی کرداروں کے ساتھ ثمینہ پیرزادہ، جاوید شیخ، بشریٰ انصاری اور دیگر سینئر فنکار شامل ہیں، جنہوں نے اپنے جاندار پرفارمنس سے فلم کو نئی بلندیوں تک پہنچا دیا ہے۔

‘دیمک‘ نہ صرف ہارر فلموں کے شائقین بلکہ سنجیدہ سینما بینوں کے لیے بھی ایک یادگار تجربہ بن چکی ہے۔