امیتابھ بچن سوشل میڈیا پر کافی متحرک نظر آتے ہیں، ماضی کے جھروکوں سے لیکر حال کی صورتحال پر وہ اپڈیٹس شیئر کرتے رہتے ہیں۔

حال ہی میں جب ایک مداح نے اُن سے کہا کہ آپ کی عمر ہو گئی ہے تو انہوں نے ایسا جواب دیا کہ مداح خاموشی سے چلتا بنا۔

امیتابھ بچن اکثر کوشش کرتے ہیں کہ اپنے مداحوں کے ہر تبصرے اور سوال کا جواب دیں۔

حال ہی میں ایک مداح نے اُن سے مخاطب ہو کر ایکس پر لکھا کہ اندھیری راتوں میں شہنشاہ کیوں جاگ رہے ہو؟ سو جائیے، اب عمر ہو گئی ہے آپ کی۔

اس پر امیتابھ بچن نے نہایت شائستہ مگر کرارا جواب دیا کہ ایک دن تمہاری بھی عمر ہو جائے گی، ایشور نے چاہا۔

دلچسپ بات یہ ہے کہ یہ ٹوئٹ کچھ ہی دیر بعد ڈیلیٹ کر دی گئی مگر تب تک یہ سوشل میڈیا پر وائرل ہو چکی تھی۔

امیتابھ بچن کی فلموں نے رجنی کانت کو سپراسٹار بنایا، رام گوپال ورما

ساؤتھ فلم انڈسٹری کے بڑے نام امیتابھ بچن کی فلموں کا ریمیک بنا کراسٹار بنے، رام...

یہ پہلا موقع نہیں کہ بگ بی کی ٹوئٹس خبروں کی زینت بنی ہوں، چند ہفتے قبل ان کے مسلسل ’خالی ٹوئٹس‘ بھی مداحوں کے درمیان تجسس کا سبب بنے تھے۔

کچھ لوگ انہیں غلطی قرار دے رہے تھے تو کچھ اسے ان کی علامتی شاعری سمجھ رہے تھے۔

صحت کے بارے میں بھی کھل کر اظہار خیال

صرف سوشل میڈیا ہی نہیں بلکہ ان کی صحت بھی حالیہ دنوں میں خبروں کا حصہ بنی۔

اپنے بلاگ نمبر 6222 میں جو 28 فروری 2025 کو شائع ہوا، اس میں امیتابھ بچن نے متعدد ملاقاتوں اور اُن دشواریوں کا ذکر کیا جو آج کے دور میں کام چُننے اور نرمی سے انکار کرنے کے فیصلوں میں درپیش آتی ہیں۔

امیتابھ اور جیا کی شادی کی 52ویں سالگرہ پر چند دلچسپ حقائق

دونوں کے درمیان ایسا بندھن ہے جو وقت کی آزمائشوں میں بھی کبھی کمزور نہ ہوا

انہوں نے لکھا کہ فلم انڈسٹری سے اتنے برسوں کی وابستگی کے بعد بھی، دل میں اب بھی یہ خدشہ رہتا ہے کہ آیا میں اس کردار کے ساتھ انصاف کر پاؤں گا یا نہیں۔

عمر سے متعلق مسائل کا ذکر کرتے ہوئے امیتابھ بچن نے کہا کہ عمر کے ساتھ صرف مکالمے یاد رکھنے کی رکاوٹ نہیں آتی بلکہ کئی طبی احتیاطیں بھی اختیار کرنا پڑتی ہیں تاکہ کام کی توقعات پر پورا اترا جا سکے۔

انہوں نے یہ بھی کہا کہ جب وہ گھر واپس آتے ہیں تو انہیں احساس ہوتا ہے کہ کتنی غلطیاں ہوئیں اور اُن کی اصلاح کیسے کی جائے۔

کام کے محاذ پر کیا چل رہا ہے؟

کام کے حوالے سے، امیتابھ بچن ایک بار پھر رنبیر کپور کے ساتھ فلم ’رامائن‘ میں نظر آئیں گے، اس سے قبل یہ جوڑی فلم ’براہماستر‘ میں ایک ساتھ جلوہ گر ہو چکی ہے۔