پاکستانی اداکار ہمایوں سعید نے طویل عرصے سے بطور ہیرو نظر آنے کے سبب ہونے والی تنقید پر عمل دے دیا۔

پاکستانی فلم انڈسٹری پر ہمایوں سعید راج کر رہے ہیں اور گزشتہ کئی سالوں سے ان کی ریلیز ہونے والی فلمز سپر ہٹ قرار پائی جارہی ہیں۔

ماہرہ اور ہمایوں نے تنقید ہنسی میں اُڑادی

منفی تبصروں کو دل پر نہ لیا، ہنستے رہے

وہ فلم 'بن روئے' ، 'پنجاب نہیں جاؤں گی' ، 'لندن نہیں جاؤں گا' اور 'جوانی پھر نہیں آنی' میں مرکزی کردار ادا کرتے نظر آئے اور اب فلم 'لو گرو' میں بھی وہ لیڈنگ رول میں ہی دکھے۔

ہمایوں سعید نے سال 1995 میں ڈرامہ 'کروڑوں کا آدمی' سے اپنے اداکاری کے کریئر کا آغاز کیا تھا جس کے بعد وہ متعدد ڈراموں میں نظر آئے اور یہ سلسلہ تاحال جاری ہے۔

انکے مشہور ڈراموں میں 'مہندی' ، 'دوراہ' ، 'کافر' ، میرے پاس تم ہو' اور 'دل لگی' شامل ہیں۔

ہمایوں سعید کو کافی عرصے سے اس تنقید کا سامنا کرنا پڑ رہا ہے کہ وہ بڑھاپے میں بھی ڈراموں میں ہیرو بن کر آرہے ہیں۔

ہمایوں سعید حال ہی میں واسع چوہدری کے شو 'گپ شب' میں نظر آئے جہاں انہوں نے اسی حوالے سے لب کشائی کی۔

واسع چوہدری نے پوچھا کہ کیا 'آپ پر یہ الزام لگایا جاتا ہے کہ آپ جان بوجھ کر کاسٹنگ ایسی کرتے ہیں جس سے ان سب میں آپ ہی نمایاں نظر آتے ہیں؟'

اس سوال پر ہمایوں سعید نے کہا کہ 'نہیں ایسا نہیں ہے، میرے ساتھ تو حمزہ علی عباسی فہد مصطفیٰ بھی کام کرچکے ہیں۔'

ہمایوں سعید نے پشتون ثقافت کو فلم کا حصہ کیوں بنایا؟

پاکستانی سنیما کے ریوائو میں ہمایوں سعید نے اہم کردار ادا کیا ہے۔

انہوں نے بات جاری رکھتے ہوئے کہا کہ 'لوگوں کو کاسٹنگ سے نہیں اس بات سے مسئلہ ہے کہ میں کافی ٹائم سے ہیرو بن کر آرہا ہوں اور اب بھی ہیرو ہی بنا دکھتا ہوں۔'

انہوں نے اس تنقید پر اپنا ردِعمل دیتے ہوئے کہا کہ 'مجھے اس تنقید سے مسئلہ نہیں ہے، اگر وہ مجھے ٹارگٹ کر رہے ہیں تو کرلیں، مجھے شکایت نہیں ہے۔'