گلوبل سپر اسٹار دلجیت دوسانجھ ایک اور مزاحیہ مرڈر مسٹری فلم 'ڈیٹیکٹو شیردل' زی 5 پر پریمیئر کے لیے تیار ہے۔

'سردار جی 3' میں ہانیہ کی واپسی؟ دلجیت نے وضاحت دیدی

تازہ تصاویر نے ہانیہ عامر کے دوبارہ اس فلم کا حصہ بننے کی افواہوں کو جنم دے دیا تھا

فلم کا ٹریلر حال ہی میں مداحوں کیلئے جاری کردیا گیا ہے جس میں اداکارہ ڈیانا پینٹی، بومن ایرانی، رتنا پاٹھک شاہ، بانیتا سندھو اور سمیت ویاس جیسے اداکار بھی شامل ہیں۔

 تاہم ریلیز کیے گئے ٹریلر کو دیکھ کر ایسا لگتا ہے کہ یہ فلم ناظرین کے لیے کچھ نیا پیش نہیں کر پائے گی فلم 'ڈیٹیکٹو شیردل' کا ٹریلر دکھاتا ہے کہ پنکج بھٹی (بومن ایرانی) کا قتل کر دیا جاتا ہے اور اس کیس کو حل کرنے کی ذمہ داری ڈیٹیکٹو شیردل (دلجیت دوسانجھ) کو سونپی جاتی ہے بھٹی خاندان کے افراد ہی اس قتل کے مشتبہ ہیں اب سوال یہ ہے کہ قاتل کون ہے؟

ٹریلر مجموعی طور پر کافی پھیکا ہے جس میں ایک قتل اور کئی مشتبہ افراد خاص طور پر خاندان کے افراد اور فلم کی کہانی کچھ ایسی لگتی ہے جسے ہم پہلے بھی کئی بار دیکھ چکے ہیں ٹریلر میں مزاحیہ مناظر بھی ہنسانے میں ناکام رہتے ہیں۔ 

دلجیت دوسانجھ مسلمانوں میں مشہور کیوں؟

6 وجوہات جو دلجیت کو دوسروں سے مختلف بناتی ہیں

فلم میں دلجیت دوسانجھ کی اداکاری بھی دہرائی ہوئی محسوس ہوتی ہے اور دیگر اداکار بھی محض ٹھیک ہی لگ رہے ہیں۔

تاہم 'اکتوبر' فلم کی مشہور اداکارہ بانیتا سندھو کو اس فلم میں دیکھ کر خوشی ہو رہی ہے وہ یقیناً ایک قابل دید ٹیلنٹ ہیں اور ایسا لگتا ہے کہ شاید 'ڈیٹیکٹو شیردل' میں ان کا ایک اہم کردار ہے۔

مجموعی طور پر فلم 'ڈیٹیکٹو شیردل' کا ٹریلر کوئی خاص تاثر چھوڑنے میں ناکام رہا ہے لیکن امید کی جاتی ہے کہ فلم خود ٹریلر سے بہتر ثابت ہوگی۔

واضح رہے کہ علی عباس ظفر کی پروڈکشن میں بننے والی 'ڈیٹیکٹو شیردل' کی ہدایتکاری روی چھابڑیا نے کی ہے یہ فلم جون 2025 میں زی 5 پر پریمیئر کے لیے تیار ہے۔

'ڈیٹیکٹو شیردل' کے علاوہ، دلجیت دوسانجھ آنے والی فلموں جیسے 'سردار جی 3'، 'بارڈر 2'، اور 'پنجاب 95' میں بھی نظر آئیں گے۔