جنیلیا ڈی سوزا دیشمکھ نے اس بات پر زور دیا ہے کہ کرداروں کا انتخاب عمر کے مطابق کرنا چاہیے۔

جنیلیا کئی سالوں کے وقفے کے بعد بالآخر بڑی اسکرین پر واپس آ رہی ہیں اور اس بار وہ عامر خان کے ساتھ’ ستارے زمین پر‘ میں مرکزی کردار ادا کر رہی ہیں۔

اس کھیل پر مبنی کامیڈی ڈرامہ فلم میں جنیلیا نے عامر کی بیوی ’سنیتا‘ کا کردار نبھایا ہے۔

جنیلیا ڈیسوزا کس بات پر عامر خان کی شکر گزار؟

جنیلیا ڈیسوزا اور عامر خان ایک ساتھ ’ستارے زمین پر‘ میں نظر آئیں گے

فلم کی ریلیز سے قبل ایک حالیہ انٹرویو میں جنیلیا نے فلموں میں عمر کے مطابق اداکاروں کے انتخاب کی اہمیت پر زور دیا اور بتایا کہ انہیں ایسے کردار کیوں کم ملتے ہیں؟

جنیلیا کا کہنا تھا کہ اب فلم انڈسٹری کو پرانی سوچ سے آگے بڑھنے کی ضرورت ہے، فلمسازوں کو چاہیے کہ وہ اداکاروں کو ان کی عمر کے لحاظ سے کاسٹ کریں۔

فلم’ ستارے زمین پر‘ میں عامر خان کی اہلیہ ’سنیتا‘ کا کردار جنیلیا کو اس لیے موزوں لگا کیونکہ یہ کردار عمر کے تجربے اور جذباتی گہرائی کا تقاضا کرتا تھا۔

جنیلیا کا نام ’ستارے زمین پر‘ کیلئےکس نے تجویز کیا؟

جنیلیا ڈیسوزا نے فلم میں سینٹرل لیڈ کردار نبھایا ہے۔

جنیلیا کا ماننا ہے کہ اگر کسی بڑی عمر کے کردار کے لیے کسی کم عمر اداکار کو چن لیا جائے تو وہ اس کردار کی باریکیوں اور جذبات کو مکمل طور پر سمجھ نہیں سکتا اور یوں کسی ایسے اداکار کو موقع نہیں ملتا جو اس کردار کو حقیقت سے قریب تر انداز میں ادا کر سکتا تھا۔

انہوں نے کہا کہ شاید لوگ سوچتے ہیں کہ میں شادی شدہ ہوں، اس لیے مجھے اس کردار کی ضرورت نہیں،میرا خیال ہے کہ فلم سازی بدل چکی ہے، تو ہمیں اپنی ذہنیت بھی بدلنی چاہیے۔

فلموں میں 10 سال بعد واپسی پر حوصلہ شکنی کی گئی، جنیلیا ڈسوزا

جنیلیا ڈسوزا رواں سال عامر خان کی فلم ’ستارے زمین پر‘ میں نظر آئیں گی

انہوں نے کہا کہ اگر کسی کردار کے لیے خاص عمر درکار ہے تو اسی عمر کے اداکار کو کاسٹ کرنا چاہیے۔ جنیلیا نے کہا کہ جب ہم کسی بہت کم عمر اداکار کو میری طرح کے کردار میں لیتے ہیں تو وہ ان چھوٹی چھوٹی باتوں کو نہیں سمجھ پاتا جو کردار کو حقیقت کے قریب بناتی ہیں، کردار کے مطابق کاسٹنگ ضروری ہے اور میں امید کرتی ہوں کہ سب کو اس حوالےسے موقع ملنے چاہئیں۔

عامر خان کے مقابل مرکزی کردار میں کاسٹ ہونے پر جنیلیا نے شکریہ ادا کیا اور کہا کہ انہیں تین بار آڈیشن دینا پڑا لیکن یہ سب بہت ضروری تھا۔

عید پر جنیلیا اور رتیش دیشمکھ کا شاندار انداز

عید پارٹی میں جنیلیا اور رتیش دیشمکھ کا جادو

انہوں نے بتایا کہ جب لوگوں کو پتا چلا کہ میں ’ستارے زمین پر‘ کر رہی ہوں تو سب نے کہا کہ تم کتنی خوش نصیب ہو، تم عامر خان کے ساتھ فلم کر رہی ہو،میں نے کہا: ’یقیناً یہ عامر سر کی بڑائی ہے کہ انہوں نے مجھ میں کچھ دیکھا۔

ہدایتکار آر ایس پرسنا کا جنیلیا کے بارے میں بیان

فلم کے ہدایتکار آر ایس پرسنا نے ایک اور انٹرویو میں جنیلیا کے ساتھ کام کے تجربے کو خوشگوار قرار دیا اور ان کے مثبت رویے اور کئی زبانوں میں کام کرنے کی صلاحیت کو سراہا۔

رتیش دیشمکھ اور جنیلیا کی جوڑی بے مثال

سوشل میڈیا پر مداحوں کے دل جیت لیے

انہوں نے کہا کہ جنیلیا کے ساتھ کام کرنا ایک خوشگوار تجربہ تھا، وہ توانائی سے بھرپور ہیں، وہ ایک باصلاحیت اداکارہ ہیں اور ہم انہیں ساؤتھ میں بہت پسند کرتے ہیں، وہ تامل، تیلگو، کنڑ، ملیالم اور اب مراٹھی زبانوں میں بھی کام کر چکی ہیں۔

فلم ’ستارے زمین پر‘ کے بارے میں

ستارے زمین پر کی کہانی ایک ناکام باسکٹ بال کوچ (عامر خان) کے گرد گھومتی ہے، جسے اپنی ساکھ بچانے کا ایک اور موقع ملتا ہے جب اسے خاص بچوں کی ٹیم کو ایک اہم ٹورنامنٹ کے لیے کوچنگ دینی پڑتی ہے۔

یہ فلم مشہور ہسپانوی فلم ’چیمپئنز‘کا ہندی ری میک ہے، اس میں عامر اور جنیلیا کے ساتھ دس نئے چہرے بھی متعارف کرائے جا رہے ہیں، فلم 20 جون 2025 کو سنیما گھروں میں ریلیز کی جائے گی۔