میک اپ برشز کا باقاعدہ اور درست طریقے سے صاف نہ کیا جانا بظاہر ایک معمولی سی بات لگتی ہے، مگر حقیقت میں یہ جلدی مسائل جیسے کہ مہاسوں، دانوں اور حتیٰ کہ جلدی انفیکشن کا سبب بن سکتی ہے۔ ان برشز میں جمع ہونے والے نظر نہ آنے والے بیکٹیریا وقت کے ساتھ سنگین مسائل پیدا کر سکتے ہیں۔

خوش قسمتی سے، گھر میں موجود صرف دو سادہ اجزاء کی مدد سے آپ ایک مؤثر اور قدرتی صفائی کا پیسٹ تیار کر سکتی ہیں، جو برشز کو نہ صرف مکمل طور پر صاف کرے گا بلکہ انہیں جراثیم سے بھی پاک رکھے گا۔

دو اجزاء، زبردست صفائی

اس گھریلو نسخے میں شامل ہیں بیکنگ سوڈا اور واشنگ اپ لیکویڈ (ڈش صابن)۔

ایک پیالے میں بیکنگ سوڈا اور واشنگ اپ لیکویڈ کو ملا کر گاڑھا سا پیسٹ تیار کریں۔ اس پیسٹ کو ایک چھلنی یا باریک سوراخ والے برتن میں ڈالیں۔ اب اپنے میک اپ برش کو اس میں اچھی طرح ڈبوئیں اور نرم دباؤ سے برسلز کو گھماتے ہوئے صاف کریں۔ یہ عمل برشز کے اندر جمی ہوئی میک اپ کی تہہ اور گندگی کو نرم کر دیتا ہے، جس سے انہیں دھونا آسان ہو جاتا ہے۔

چہرے سے میک اَپ اُتارنا کیوں ضروری ہے؟

اپنے میک اپ کو دوسروں کے ساتھ شیئر نہیں کرنا چاہیے۔

بیکنگ سوڈا کی قدرتی صفائی بخش اور نرم ابریسیو خاصیت کی بدولت یہ برشز سے میل کچیل آسانی سے نکال دیتا ہے، جبکہ ڈش صابن جراثیم اور بیکٹیریا کو ختم کرنے میں مدد دیتا ہے۔

متبادل طریقہ: زیتون کے تیل کا استعمال

اگر بیکنگ سوڈا دستیاب نہ ہو، تو ایک اور مؤثر متبادل یہ ہے کہ زیتون کا تیل اور واشنگ اپ لیکویڈ کے چند قطرے زیتون کا تیل برش کے برسلز پر لگائیں تاکہ میک اپ کی باقیات نرم ہو جائیں، پھر اس پر ڈش صابن لگا کر نرمی سے صاف کریں۔ زیتون کا تیل نہ صرف صفائی میں مدد دیتا ہے بلکہ برسلز کو نرم اور محفوظ بھی رکھتا ہے۔

میک اپ برشز کی صفائی کیوں ضروری ہے؟

خصوصاً وہ برشز جو لیکویڈ میک اپ کے لیے استعمال ہوتے ہیں، ان میں بیکٹیریا کے جمع ہونے کا خطرہ زیادہ ہوتا ہے۔ اس لیے انہیں ہفتہ وار صاف کرنا ناگزیر ہے۔ ایک صاف برش نہ صرف آپ کی جلد کو محفوظ رکھتا ہے بلکہ میک اپ کا نتیجہ بھی بہتر بناتا ہے۔

قدرتی اجزاء، محفوظ جلد

بیکنگ سوڈا اور زیتون کا تیل دونوں قدرتی اجزاء ہیں اور ان کا استعمال جلد پر کسی قسم کا منفی اثر نہیں ڈالتا۔ یہ طریقے نہ صرف مؤثر اور کم خرچ ہیں بلکہ ماحول دوست بھی ہیں۔