بالی وڈ کے معروف ہدایتکار کرن جوہر نے اپنی مقبول ترین فلم 'کبھی خوشی کبھی غم' کے حوالے سے کہا ہے کہ آج کے دور میں ایسی بڑی کاسٹ کے ساتھ فلم بنانا تقریباً ناممکن ہو چکا ہے۔

'بالی ووڈ ہنگامہ' سے خصوصی گفتگو کے دوران کرن جوہر نے بتایا کہ 2001 میں ریلیز ہونے والی فلم 'کبھی خوشی کبھی غم' میں جس طرح کے سپر اسٹارز کی کاسٹ تھی، آج کے زمانے میں ایسی کاسٹنگ خواب بن کر رہ گئی ہے۔

'کبھی خوشی کبھی غم' کے کس سین پر شاہ رخ مایوس ہوئے؟

فلم میں انہوں نے راہول کا کردار ادا کیا تھا۔

اس فلم میں امیتابھ بچن، جیا بچن، شاہ رخ خان، کاجول، ریتیک روشن اور کرینہ کپور خان جیسے بڑے ستارے شامل تھے۔

کرن جوہر کے مطابق آج اگر کوئی فلم ساز ایسی کاسٹ جمع کرنا چاہے تو اس کا بجٹ آسمان سے باتیں کرے گا۔

کرن جوہر نے کہا کہ 'آج کل سب اداکار اتنا زیادہ معاوضہ مانگتے ہیں کہ وہ ناقابلِ برداشت ہو جاتا ہے، ہر کوئی اتنا بھاری معاوضہ مانگ رہا ہے، بغیر یہ سمجھے کہ باکس آفس پر فلم کو کامیاب بنانا کتنا مشکل ہو چکا ہے، ہمیں اس صورتحال کو سمجھ کر مل کر اس کا حل نکالنا ہوگا'۔

’کبھی خوشی کبھی غم‘ میں کرینہ کا بچپن اب کیسا دکھتا ہے؟

فلم میں کرینہ کے بچپن کا کردار مالویکا راج نے ادا کیا تھا

انہوں نے مزید کہا کہ آج کل ہر اداکار کے ساتھ کئی ایڈوائزرز، ایجنٹس اور ٹیمیں وابستہ ہوتی ہیں جو انہیں مختلف مشورے دیتی ہیں اور اس کا نتیجہ یہ نکلتا ہے کہ ایک ساتھ دو یا تین بڑے اسٹارز کو ایک ہی فلم میں کاسٹ کرنا تقریباً ناممکن بن چکا ہے۔

کرن جوہر نے ماضی کو یاد کرتے ہوئے کہا کہ 2000 کی دہائی میں اداکار اتنا زیادہ نہیں سوچتے تھے۔

انہوں نے بتایا کہ جب شاہ رخ خان نے 'کبھی خوشی کبھی غم' کے لیے ہاں کی، تو انہوں نے اسکرپٹ تک نہیں پڑھی تھی، انہوں نے صرف اتنا کہا کہ 'یار، کرنی ہے'، وہ کاسٹ میں شامل دیگر اداکاروں سے واقف تھے لیکن انہوں نے کہا کہ 'یہ کرن کی فلم ہے اس لیے کرنی ہے'، انہوں نے مجھ پر اعتماد کیا اور فلم کرلی'۔

کبھی خوشی کبھی غم، 20 سال بعد آئیکونک ری یونین

کاجول کی اداکاری اور بے باک شخصیت مداحوں کے دلوں کو لبھاتی ہے

کرن کا کہنا تھا کہ آج کے دور میں لوگ بہت زیادہ سوچنے، مشورے لینے اور تجزیہ کرنے لگے ہیں، جس کی وجہ سے فلم سازی کا سادہ اور خالص عمل پیچیدہ ہو گیا ہے۔

کرن جوہر کے مطابق ان ہی وجوہات کے سبب 'کبھی خوشی کبھی غم' جیسی فلمیں اب ماضی کا حصہ بن چکی ہیں، کیونکہ آج کے دور میں بڑے بجٹ، زیادہ معاوضہ اور اداکاروں کی بدلتی ترجیحات نے بالی وڈ میں ملٹی اسٹار فلموں کے رجحان کو ختم کر دیا ہے۔