پاکستانی ڈراما اور فلم انڈسٹری کی اداکارہ اور ماڈل حمائمہ ملک پہلی ناکام شادی کے بعد شاید اب ایک بار پھر کسی پر دل ہار بیٹھی ہیں جس کا ثبوت انکی حالیہ انسٹاگرام پوسٹ ہے۔

حمائمہ ملک کا شمار ان شخصیات میں کیا جاتا ہے جنہوں نے نہ صرف پاکستان میں اپنے فن کا لوہا منوایا بلکہ بھارت میں بھی اداکاری کے جوہر دکھائے۔

اگرچہ حمائمہ ملک پاکستانی فلموں اور ڈراموں میں شادو نادر ہی نظر آئیں لیکن ان کو فلم ’دی لیجنڈ آف مولا جٹ‘ کی ریلیز کے بعد کافی شہرت ملی۔صرف یہی نہیں بلکہ انہوں نے بھارتی اداکار عمران ہاشمی کے ساتھ فلم ’راجا نٹورلال‘ (2014) میں مرکزی کردار بھی ادا کیا۔

فیروز خان پاکستانی ’سلمان خان اور امیتابھ’ ہیں، حمائمہ ملک

حمائمہ ملک کا یہ موازنہ انہیں مہنگا پڑگیا

تاہم اسی کے ساتھ حمائمہ ملک کی وجہ شہرت انکا انسٹاگرام اکاؤنٹ بھی ہے جہاں وہ اپنی بولڈ ڈریسنگ اور لُکس کی وجہ سے موضوع بحث بنی نظر آتی ہیں۔

حال ہی میں انہوں نے فوٹو اینڈ ویڈیو شیئرنگ ایپ انسٹاگرام پر پوسٹ شیئر کی جس میں اداکارہ کو پیلی ٹی شرٹ اور اسکارف کیساتھ سبز اور پیلی چوڑیاں پہنے دیکھا گیا۔

حمائمہ ملک نے اپنی ان تصاویر کے کیپشن میں لکھا، ’میں اُس کی پسند تھی۔۔۔۔۔۔ ہوں‘ اور ساتھ میں سُرخ دل کے ایموجی کا استعمال کیا ہے۔

اداکارہ کی جانب سے اس پراسرار پوسٹ اور کیپشن کا وائرل ہونا ہی تھا کہ سوشل میڈیا پر چہ مگوئیوں نے جنم لے لیا ہے۔

کیونکہ گزشتہ سال نومبر میں حمائمہ کی جانب سے اسی طرح کی ایک پوسٹ انسٹاگرام اسٹوری سے سامنے آئی تھی جس میں انہوں نے محبت میں مبتلا ہونے کا انکشاف کیا تھا۔

حمائمہ ملک نے اپنے پیغام میں لکھا تھا کہ،‘میں دنیا کو یہ بتانا چاہتی ہوں کہ آخرکار میں محبت میں ہوں۔‘

حالانکہ انہوں نے اس نئی محبت کے بارے میں کوئی تفصیل شیئر نہیں کی تھی، مگر ان کے انداز اور الفاظ سے واضح تھا کہ وہ ایک نئی محبت میں بہت خوش ہیں۔

اور اب ایک بار پھر اس طرح کی مبہم پوسٹ منظر عام پر آنا کسی نئی کہانی کی جانب اشارہ دیتا معلوم ہورہا ہے۔

حمائمہ ملک کا ’ہیرامنڈی’ انسپائرڈ لُک تنقید کا شکار

مداحوں نے اداکارہ کو ہیرامنڈی کی سوناکشی قرار دے دیا

یاد رہے کہ حمائمہ ملک ایک بار پہلے بھی شادی کے بندھن میں بندھ چکی ہیں لیکن بدقسمتی سے انہیں رشتہ راس نہ آیا اور دونوں نے راہیں جدا کرلیں۔

اداکارہ کی پہلی شادی کسی اور سے نہیں بلکہ اداکار شمعون عباسی سے  2010 میں ہوئی تھی تاہم یہ شادی صرف دو سال چل سکی اور پھر ان دونوں کے درمیان طلاق ہوگئی۔

اور اب اداکارہ کی حالیہ پوسٹس اور دلکش مسکراہٹ سے اندازہ لگایا جا رہا ہے کہ شاید  وہ دوبارہ محبت کے رنگ میں رنگ چکی ہیں  جسکے لیے  مداح  نیک تمناؤں کا اظہار کر رہے ہیں۔