اداکارہ عتیقہ اوڈھو کی جانب سے اداکار علی رضا کے سینے کے بالوں پر تنقید کیے جانے کے بعد اب اداکار کا بھی ردِ عمل سامنے آگیا۔

خیال رہے کہ سینیئر اداکارہ عتیقہ اوڈھو نے علی رضا کے ڈرامہ سیریل دستک کا ریویو دیتے ہوئے اداکار پر تنقید کی تھی کہ وہ بلاوجہ شرٹ کے بٹن کھول کر سینے کے بال دکھاتے ہیں۔

عتیقہ اوڈھو نے سینے کے بال دکھانے کو غیر اخلاقی قرار دے دیا

عتیقہ اوڈھو نے اداکار علی رضا کو اس حوالے سے تنقید کا نشانہ بنایا

اداکارہ کا مؤقف تھا کہ خواتین کو ان کے لباس کے حوالے سے متعدد ہدایات دی جاتی ہیں اسی طرح مردوں کو بھی چاہییے کہ وہ بھی خیال رکھیں۔

عتیقہ اوڈھو کا کہنا تھا کہ اگرچہ علی رضا پر رنگ برنگی ڈسکو جیکٹس یا جدید تراش خراش کے ملبوسات اچھے لگ سکتے ہیں اور وہ شاید فیشن کے تناظر میں قابل قبول ہوں لیکن سینے کے بٹن کھول کر بال دکھانا کسی طور بھی زیب نہیں دیتا۔

عتیقہ اوڈھو نے صاف مؤقف اپنایا کہ یہ انداز نہ صرف غیر موزوں ہے بلکہ اس سے اداکار کی شخصیت بھی متاثر ہوتی ہے۔

اداکارہ نے علی رضا کو مشورہ دیتے ہوئے کہا کہ اگر وہ واقعی اس طرح کے مناظر سے گریز نہیں کر سکتے تو بہتر ہوگا کہ وہ بیوٹی سیلون کا رخ کریں اور سینے کے بال صاف کروا لیں، یا پھر کم از کم اپنی شرٹ کے بٹن مناسب حد تک بند رکھیں تاکہ غیر ضروری نمائش سے بچا جا سکے۔

علی رضا کا 16 ڈراموں کی پیشکش مسترد کرنے کا دعویٰ

انہوں نے بتایا کہ ان کے پاس اب بھی تمام ڈراموں کے اسکرپٹس پڑے ہوئے ہیں

عتیقہ اوڈھو نے ہنستے ہوئے یہ پیش کش بھی کی کہ اگر کوئی علی رضا کو سیلون لے جانے کو تیار نہیں، تو وہ خود یہ ذمہ داری اٹھا سکتی ہیں

عتیقہ اوڈھو کی جانب سے اس عجیب و غریب تنقید پر علی رضا نے بھی اپنا مؤقف دے دیا۔

اداکار نے انسٹاگرام پر عتیقہ کے تبصرے کی ویڈیو کے نیچے کمنٹ کرتے ہوئے اپنا ردِ عمل دیا اور کہا کہ 'لگتا ہے بات تھوڑی غلط جگہ کردی اِنہوں نے'۔

ساتھ ہی انہوں نے 'عوام نہیں چھوڑے گی' کا ہیش ٹیگ بھی استعمال کیا۔

علی رضا کن 2 فنکاروں سے بے حد متاثر ہیں؟

بہت سے فنکار ایسے ہیں جن کے کام سے سیکھنے کو ملتا ہے، علی رضا

علی رضا کے اس کمنٹ پر بڑی تعداد میں صارفین ان کی حمایت کرتے نظر آئے، ایک صارف نے جواب میں کہا کہ 'ہاں نہیں چھوڑیں گے، جبکہ ایک اور کا کہنا تھا کہ 'علی آپ جیسے ہیں ہمیں آپ سے اسی طرح محبت ہے'۔