بھارتی پنجاب میں ایک مقامی کرکٹر میچ کھیلتے ہوئے دل کا دورہ پڑنے کے باعث جان کی بازی ہار گیا۔

کارڈیک اریسٹ (دل کی دھڑکن کا اچانک بند ہو جانا) سے ہونے والی اموات نے نوجوانوں میں بھی خطرے کی گھنٹی بجا دی ہے۔ 

حال ہی میں ایک ویڈیو وائرل ہوئی ہے، جو مبینہ طور پر فیروزپور پنجاب کی ہے، ویڈیو میں ایک شخص ہرجیت سنگھ کو کرکٹ کھیلتے ہوئے ڈی اے وی اسکول گراؤنڈ میں دیکھا جا سکتا ہے۔

ویڈیو میں چار کھلاڑی کھیل میں مصروف نظر آتے ہیں،ویڈیو میں دیکھا جاسکتا ہے کہ ہرجیت نے ایک چھکا مارا اور جب وہ  رن لینے کے لیے بھاگ رہا تھا تو اسے ہلکی سی تکلیف محسوس ہوئی۔

وہ بیٹ پکڑ کر بیٹھ گیا، اس کا ساتھی کھلاڑی اس کے پاس آیا لیکن ہرجیت پھر چند لمحوں میں ہی گر پڑا۔

ہرجیت سنگھ کے گرنے کے بعد اس کے ساتھیوں نے موقع پر ہی سی پی آر (CPR) دینے کی کوشش کی لیکن وہ بے ہوش ہی رہا اور کوئی ردِعمل نہ دیا،اطلاعات کے مطابق وہ کارڈیک اریسٹ کا شکار ہوا اور موقع پر ہی دم توڑ گیا۔

شین وارن کی موت سے متعلق چونکا دینے والا انکشاف

کرکٹر کی موت کو طبعی اور وجہ ہارٹ اٹیک قرار دیا گیا تھا۔

یہ افسوسناک واقعہ ایک بار پھر اس خطرناک بیماری پر سوالات اٹھا رہا ہے، جو آج کل لگاتار جانیں لے رہی ہے،یہ مرض صرف بزرگوں تک محدود نہیں رہا، بلکہ 20 سال کے نوجوان بھی اس کی لپیٹ میں آ رہے ہیں۔

ایسا ہی ایک واقعہ گزشتہ سال ایک اور نوجوان کرکٹر کے ساتھ پیش آیا تھا ،نومبر 2024 میں جب ایک نوجوان کرکٹر عمران پٹیل کو اسی طرح کی صورتحال کا سامنا کرنا پڑا۔

عمران چھترپتی سمبھاجی نگر کے گراورے کرکٹ اسٹیڈیم میں میچ کھیل رہا تھا،میچ کے دوران عمران نے ایک چوکا مارا اور اس کے فوراً بعد اس نے ہلکی سی تکلیف کی شکایت کی۔

بھارتی کھلاڑی کی کرکٹ میچ کے دوران اچانک موت، وجہ کیا؟

سینے میں شدید درد اُٹھا اور وہ پچ پر گر پڑا۔

اس نے امپائر کو بتایا کہ اسے دوا لینی ہے اور وہ گراؤنڈ سے باہر جانے لگا لیکن پویلین تک پہنچنے سے پہلے ہی زمین پر گر پڑا۔

اسے فوری طور پر اسپتال لے جایا گیا جہاں ڈاکٹروں نے اسے مردہ قرار دیا،بعد میں تصدیق ہوئی کہ وہ ہارٹ اٹیک کا شکار ہوا تھا۔

کرکٹ ایک ایسا کھیل ہے جس میں ورزش اور جسمانی سرگرمی شامل ہوتی ہے، جو عموماً دل کی صحت کے لیے فائدہ مند سمجھی جاتی ہے،اسی لیے کرکٹ کھیلتے ہوئے کارڈیک اریسٹ جیسے مہلک واقعات کا بار بار ہونا تشویشناک پہلو بن چکا ہے۔