شارٹ ویڈیو پلیٹ فارم ٹک ٹاک نے صارفین کے ساتھ یک طرفہ رابطے کو بہتر بنانے کے لیے ایک نیا فیچر ‘بلٹن بورڈز‘ متعارف کروایا ہے، جو انسٹاگرام کے براڈکاسٹ چینلز سے مشابہ ہے۔

ٹیکنالوجی ذرائع کے مطابق، ‘بلٹن بورڈز‘ کے ذریعے کریئیٹرز اور برانڈز اپنے فالوورز کے ساتھ براہِ راست اپ ڈیٹس، اعلانات اور اہم معلومات شیئر کر سکیں گے، تاہم یہ رابطہ یک طرفہ ہوگا اور فالوورز کو صرف ایموجیز کے ذریعے ردِعمل دینے کی سہولت حاصل ہوگی۔

یہ فیچر فی الحال آزمائشی مراحل میں ہے اور ابتدائی طور پر چند منتخب صارفین کو دستیاب ہے جن میں معروف میگزین ‘پیپل‘، فٹبال کلب ‘پیرس سینٹ جرمین (PSG)‘ اور مشہور میوزک بینڈ ‘جوناس برادرز‘ شامل ہیں۔

ٹک ٹاک نے کاروباری صارفین کے لیے اے آئی ویڈیو فیچر متعارف کرا دیا

ہ ٹک ٹاک اس سے قبل بھی اے آئی پر مبنی فیچرز متعارف کرا چکا ہے

‘بلٹن بورڈز‘ میں کریئیٹرز ویڈیوز، تصاویر یا صرف متن کی شکل میں اپنی بات فالوورز تک پہنچا سکتے ہیں۔ اس کی بدولت برانڈز، فنکار اور دیگر مشہور شخصیات نئی پروجیکٹس، اپ ڈیٹس یا ذاتی پیغامات براہِ راست اپنے مداحوں تک پہنچا سکیں گے۔

واضح رہے کہ انسٹاگرام نے 2023 میں ‘براڈکاسٹ چینلز‘ کے نام سے اسی طرز کا فیچر متعارف کروایا تھا، جسے دنیا بھر میں کامیابی حاصل ہوئی۔ اب ٹک ٹاک بھی اسی فارمیٹ کو اپنا کر صارفین کے ساتھ تعلق کو مزید مستحکم بنانے کے لیے کوشاں ہے۔

قبل ازیں ٹک ٹاک نے انسٹاگرام اسٹوریز جیسا فیچر بھی متعارف کرایا تھا جو بعد ازاں صارفین میں خاصا مقبول ہوا۔

فی الوقت ’بلٹن بورڈز‘ محدود صارفین تک محدود ہے، لیکن امکان ظاہر کیا جا رہا ہے کہ جلد ہی یہ فیچر عالمی سطح پر تمام صارفین کے لیے دستیاب ہوگا۔