اکثر افراد قینچی کو محض ایک کاٹنے والا آلہ سمجھتے ہیں، مگر باورچی خانے میں استعمال ہونے والی قینچی میں موجود ’دندانے دار دھاتی حصہ‘ درحقیقت ایک نہایت کارآمد فیچر ہے جسے نظر انداز نہیں کرنا چاہیے۔ یہ چھوٹا سا جزو صرف ڈیزائن کا حصہ نہیں، بلکہ کئی روزمرہ امور میں آپ کی بڑی مدد کر سکتا ہے۔

جار یا بوتل کے ڈھکن کھولنے کے لیے

جب کسی جار یا بوتل کا ڈھکن سخت ہو جائے اور ہاتھ سے نہ کھلے، تو قینچی کا یہ دندانے دار حصہ مضبوط گرفت فراہم کرکے اسے آسانی سے کھولنے میں مدد دیتا ہے۔

اخروٹ یا دیگر سخت میوے توڑنے کے لیے

اس حصے میں اخروٹ یا بادام رکھ کر دبایا جائے تو یہ بغیر کسی علیحدہ نٹ کریکر کے آسانی سے ٹوٹ جاتے ہیں۔

پرانے سن گلاسز کو نیا بنائیں

اس وقت لڑکیاں تیز دھوپ میں باہر نکلتے وقت ایک چیز اپنے ساتھ لے جانا...

جھینگے، کیکڑے اور سی فوڈ کے خول توڑنے کے لیے

سی فوڈ کے سخت خول جیسے جھینگے یا کیکڑے کھولنے کے لیے بھی یہ حصہ نہایت مفید ثابت ہوتا ہے، خاص طور پر جب مخصوص سی فوڈ اوزار دستیاب نہ ہوں۔

گوشت یا ہڈیوں کو پکڑنے اور کچلنے کے لیے

قینچی کا یہ فیچر ہڈیوں کو سنبھالنے اور گوشت کو تھوڑا سا کچلنے کے لیے بھی استعمال کیا جا سکتا ہے، خاص طور پر جب آپ گوشت صاف کر رہے ہوں۔

جڑی بوٹیوں کو تنوں سے علیحدہ کرنے کے لیے

روزمیری، تھائم یا دیگر جڑی بوٹیوں کے پتے ان کے سخت تنوں سے الگ کرنے کے لیے انہیں دندانے دار حصے میں رکھ کر کھینچیں — پتے آسانی سے نکل آئیں گے۔