ایپل ایک بار پھر کیمرہ ٹیکنالوجی میں جدت کے نئے در وا کرنے جا رہا ہے۔ حال ہی میں جمع کرائے گئے ایک پیٹنٹ سے یہ انکشاف ہوا ہے کہ کمپنی ایک ایسے جدید امیج سینسر پر کام کر رہی ہے جو انسانی آنکھ کی مانند روشنی کو محسوس کرنے کی صلاحیت رکھتا ہوگا۔ اگر یہ ٹیکنالوجی حقیقت کا روپ دھارتی ہے تو یہ نہ صرف موبائل کیمروں، بلکہ پیشہ ورانہ فلم سازی کے لیے استعمال ہونے والے کیمروں کو بھی پیچھے چھوڑ سکتی ہے۔

انسانی آنکھ جیسی ڈائنامک رینج کا حصول

ڈائنامک رینج کسی بھی کیمرے کی صلاحیت ہوتی ہے کہ وہ ایک وقت میں تصویر کے روشن اور تاریک حصوں کو کس حد تک تفصیل سے محفوظ کر سکتا ہے۔ انسانی آنکھ تقریباً 20 سے 30 اسٹاپس کی ڈائنامک رینج کو سنبھالنے کی اہل ہے، جبکہ موجودہ اسمارٹ فون کیمرے عموماً 10 سے 13 اسٹاپس تک محدود ہیں۔ ایپل کی کوشش ہے کہ وہ اس فرق کو کم سے کم کرتے ہوئے انسانی آنکھ کے قریب ترین نتائج فراہم کرے۔

آئی فون 17: فیچرز کے ساتھ قیمت بھی بڑھنے کو تیار

اسکرین گریبایپل کی جانب سے متوقع طور پر آنے والی آئی فون 17 سیریز کی قیمتوں میں...

اسٹیکڈ پکسلز اور LOFIC ٹیکنالوجی: کیمرے کا نیا دور

ایپل کے نئے پیٹنٹ میں جس سینسر کی تفصیلات دی گئی ہیں، وہ ‘اسٹیکڈ پکسلز‘ پر مبنی ہوگا۔ اس کا مطلب یہ ہے کہ ہر پکسل دو تہوں پر مشتمل ہوگا ایک تہہ روشنی کو جذب کرے گی، جبکہ دوسری اس ڈیٹا کو پراسیس کرے گی، جس میں ایکسپوژر کنٹرول، شور میں کمی اور دیگر جدید فیچرز شامل ہوں گے۔

اس کے علاوہ، ایک مخصوص ٹیکنالوجی کا بھی ذکر کیا گیا ہے جسے Lateral Overflow Integration Capacitor (LOFIC) کہا جاتا ہے۔ اس نظام کے تحت ہر پکسل منظر کے مطابق مختلف مقدار میں روشنی جذب کرے گا، جس سے تصویر میں روشنی اور سائے دونوں بھرپور تفصیل کے ساتھ محفوظ کیے جا سکیں گے۔ مزید برآں، ہر پکسل کے ساتھ ایک الگ میموری سرکٹ ہوگا جو برقی شور (noise) کو تصویر لیتے ہی کم کر دے گا، نتیجتاً واضح، صاف اور اعلیٰ معیار کی تصویر حاصل ہوگی۔

ایپل کا انتباہ: آئی فون صارفین فوری طور پر ‘ایئر پلے‘ فیچر بند کر دیں

خطرات کیا ہیں؟

کیا یہ ٹیکنالوجی جلد متعارف ہو رہی ہے؟

فی الحال یہ ٹیکنالوجی تجرباتی مرحلے میں ہے اور صرف پیٹنٹ کی سطح پر موجود ہے، اس لیے اس کا فوری استعمال متوقع نہیں۔ ابتدائی رپورٹس کے مطابق آئی فون 17 میں اس ٹیکنالوجی کی شمولیت کا امکان کم ہے، تاہم آئندہ ماڈلز میں اس کے عملی استعمال کے امکانات روشن ہیں۔

آنکھ جیسا کیمرہ: خواب حقیقت کے قریب

اگر ایپل واقعی 20 اسٹاپس ڈائنامک رینج کے حامل اسمارٹ فون کیمرہ بنانے میں کامیاب ہو جاتا ہے تو یہ موبائل فوٹوگرافی میں ایک بڑی پیش رفت ہوگی۔ ایسا فون جو انسان کی آنکھ کی مانند مناظر کو قید کرے، بغیر روشنی یا تفصیل کھوئے تو یقیناً یہ کسی بھی صارف کے لیے اپ گریڈ کرنے کی مضبوط ترین وجہ بن سکتا ہے۔