پاکستانی اداکارہ و ٹی وی شو ہوسٹ ندا یاسر نے اپنے شوہر یاسر نواز کے ساتھ پیرس میں گھومتے پھرتے لی گئیں تصاویر اور ویڈیوز سوشل میڈیا کی زینت بنادیں۔

ندا یاسر گزشتہ کئی سالوں سے شوبز کی دنیا سے جڑی ہوئی ہیں اور شادی بھی اسی شعبے سے تعلق رکھنے والی فیملی میں کی۔

ندا یاسر کی بیٹی کا بولڈ لباس اور بداخلاقی تنقید کی زد میں

صلہ کا بالی وڈ اسٹار کڈ سے موازنہ ہونے لگا

ندا یاسر نے سال 2002 میں اداکار، پروڈیوسر و ہدایتکار یاسر نواز سے پسند کی شادی کی جن سے انکے دو بیٹے فرید، بالاج اور ایک بیٹی صلہ ہیں۔

طویل عرصے سے مارننگ شو ہوسٹنگ کی دنیا میں قدم جمائے بیٹھی نظر آنے والی ندا یاسر اکثر اپنی فیملی سے متعلق بات کرتی رہتی ہیں اور اپنے شوہر اور بچوں کے قصے فینز کے ساتھ شیئر بھی کرتی ہیں۔

ان دنوں ندا اور یاسر نواز پاکستان میں نہیں ہیں بلکہ پیرس کے حسن کو انکو اپنی آنکھوں سے دیکھنے اور وہاں یادگار لمحے گزارنے گئے ہوئے ہیں۔

ندا یاسر نے فوٹو اینڈ ویڈیو شیئرنگ ایپ انسٹاگرام پر ایک پوسٹ شیئر کی جس میں وہ پیرس کی سب سے مشہور تعمیرات میں سے ایک ’ایفل ٹاور‘ کو اپنی تصاویر کے عقب میں لے کر پوز دیتی نظر آئیں۔

ندا یاسر کے بیٹے بالاج کیساتھ ملازمہ کی بدسلوکی

ملازمہ نے بالاج کا ہاتھ بھی پکڑا، ندا یاسر

ندا یاسر کی اس ویڈیو میں یاسر نواز کے علاوہ انکے سب سے چھوٹے بیٹے بالاج بھی دکھے لیکن بڑی بیٹی اور بیٹا نظر نہیں آئے۔

ندا یاسر نے پیرس ٹرپ پر صرف اور صرف ویسٹرن ڈریسس پہنے اور یادگار لمحوں کو کیمرے کی آنکھ میں محفوظ کرلیا۔

ندا یاسر کی اس فیملی ٹرپ ویڈیو کو سوشل میڈیا پر ملے جلے تبصروں کا سامنا ہے۔ بعض کو فیملی کے ان خاص لمحوں کو دیکھ کر خوشی ہوئی تو بعض کو ندا یاسر کی ڈریسنگ سے اعتراض ہوتا نظر آیا۔