پاکستانی اداکارہ و ٹی وی شو ہوسٹ ندا یاسر کا دیور وقار نواز کے انتقال کے چند روز بعد فیملی کے ہمراہ پیرس ٹرپ تنقید کی زد میں آگیا۔

ندا یاسر نے شوبز کی دنیا میں اپنی منفرد پہچان بنانے کا فیصلہ کرتے ہوئے خود کو بہترین اداکارہ  کے بجائے معروف ٹی وی شوہوسٹ کہلوانا پسند کیا۔

شوبز میں کامیاب ہونے سے برسوں پہلے سال 2002 میں اداکار، پروڈیوسر و ہدایتکار یاسر نواز سے پسند کی شادی کی تھی جن سے انکے دو بیٹے فرید، بالاج اور ایک بیٹی صلہ ہیں۔

ان دنوں ندا اور یاسر نواز اپنے بیٹے کے ہمراہ پیرس میں یادگار دن گزار رہے ہیں اور ندا یاسر ان خاص دنوں کی تصاویر فوٹو اینڈ ویڈیو شیئرنگ ایپ انسٹاگرام پر بھی شیئر کر رہی ہیں۔

ندا یاسر کی پیرس میں شوہر کے ساتھ موج مستی

اداکارہ نے فیملی ٹرپ کی جھلکیاں شیئر کردیں

ندا یاسر نے پیرس ٹرپ کی سب سے پہلے ایفل ٹاور کے ساتھ لی گئیں تصاویر اور ویڈیوز جاری کی تھیں اور اب انہوں نے پیرس میں موجود ڈزنی ورلڈ کا ٹوور کرتے ہوئے یادگار جھلکیاں فینز کے ساتھ شیئر کیں۔

شیئر کی گئی ویڈیو میں ندا یاسر کے ساتھ انکے شوہر اور چھوٹا بیٹا بالاج بھی نظر آئے جو ڈزنی ورلڈ کے حسین نظاروں سے لطف اندوز ہوتے دکھے۔

ندا یاسر نے ڈزنی ورلڈ کی سیر کرتے ہوئے آسمانی گاؤن پر گلابی ہاف جیکٹ پہنی اور اپنی زلفوں کو ہاف ٹائے کیا۔

ندا یاسر اس ویڈیو میں مختلف پوز دیتی نظر آئیں جس کو سوشل میڈیا صارفین نے پسند نہیں کیا جبکہ انکا اپنے دیور وقاص نواز کے انتقال کے چند روز بعد ہی اس طرح گھومنے نکلنا بھی شدید تنقید کی زد میں آچکا ہے۔

یاسر نواز کے بھائی انتقال کر گئے

ہنستے مسکراتے اس گھر میں اب غم کا سماں ہے۔

ایک صارف نے لکھا کہ ’نہیں معلوم وقاص نواز، یاسر کے سگھے بھائی تھے کہ نہیں لیکن خاندان میں موت ہوئے ایک مہینہ بھی نہیں گزرا اور آپ کو گھومنے پھرنے کی پڑگئی۔‘

ایک اور صارف نے لکھا کہ ’حیرت ہے چند روز قبل یاسر نواز بھائی کی موت کا غم منارہے تھے اور اب اہلیہ کو لیکر پیرس پہنچ گئے۔‘

یاد رہے کہ یاسر نواز نے 24 جون کو انسٹاگرام پر ایک پوسٹ شیئر کی تھی جس میں لکھا کہ ’إِنَّا ِلِلَّٰهِ وَإِنَّا إِلَيْهِ رَاجِعُونَ، گہرے صدمے کے ساتھ یہ اطلاع دے رہا ہوں کہ ہمارے پیارے اور سب سے زیادہ محبت کرنے والے بھائی وقار نواز کا انتقال ہوگیا ہے، اللہ انکی مغفرت فرمائے اور جنت الفردوس میں انکے درجات بلند فرمائے اور انکی فیملی کو صبر عطا فرمائے۔‘