بالی وڈ فلم انڈسٹری کے ہر دلعزیز  اداکار راجکمار راؤ نے اپنی اہلیہ و اداکارہ پترالیکھا کے  ہمراہ  شادی کے ساڑھے تین سال بعد ننھے مہمان کی آمد کا اعلان کرتے ہوئے مداحوں کو خوشخبری سنادی۔

کیارا، سدھارتھ کے گھر جلد ننھے مہمان کی آمد

کیارا اور سدھارتھ ملہوترا کا جلد والدین بننے کا اعلان

بالی وڈ کے باصلاحیت اداکار راجکمار راؤ اور ان کی اہلیہ پترالیکھا نہ صرف فلمی دنیا کی مشہور جوڑی ہیں بلکہ اپنی محبت اور باہمی عزت و احترام کی وجہ سے بھی مداحوں کے دلوں میں خاص مقام رکھتے ہیں۔

تاہم اپنے کریئر  میں یکے بعد دیگرے کامیابی کی سیڑھیاں چڑھتے اداکار نے زندگی کے محاذ پر بھی ایک اور کامیابی اپنے نام کرتے ہوئے انسٹاگرام کے ذریعے  اپنے گھر پہلے بچے کی آمد کا اعلان کیا جوکہ دیکھتے ہی دیکھتے وائرل  ہوگیا۔

اپنی مشترکہ انسٹاگرام پوسٹ میں راج اور پترالیکھا نے مداحوں کو بتایا  کہ وہ   شادی کے ساڑھے تین سال بعد والدین بننے کی خوشی سے سرشار ہیں۔ 

اپنی پوسٹ کو کیپشن دیتے ہوئے اسٹار کپل نے ‘ بےبی آن دی وے (Baby on the way) لکھا  یعنی جلد ہی ہمارے گھر ننھا مہمان آ رہا ہے‘ اور اس کے ساتھ ہی اپنی خوشی کا اظہار کرتے ہوئے پرجوش (Elated) کا ہیش ٹیگ بھی  استعمال کیا۔

شادی سے قبل حاملہ ہونے والی بھارتی اداکارائیں کون؟

وہ اداکارائیں جنہوں نے سماجی روایات کی خلاف ورزی کرتے ہوئے اپنی شرائط پر خاندان...

 جوڑے کی جانب سے کیے جانے والے اس اعلان کے ساتھ ہی ان کے مداحوں اور ساتھی اداکاروں کی جانب سے مبارکباد کا سلسلہ شروع ہو گیا ہے جن میں اداکارہ کیارا ایڈوانی، نشرت بھروچا،فرح خان، پلکٹ سمراٹ، ہماقریشی اور دیگر اداکار شامل ہیں۔

واضح رہے کہ اداکار  راجکمار راؤ اور پترالیکھا نے کئی سال تک ایک دوسرے کو ڈیٹ کرنے کے بعد 15 نومبر 2021 کو شادی کی تھی۔

 ان کی شادی چندی گڑھ کے دی اوبرائے سکھ ولاز اسپا ریزورٹ میں روایتی ہندو رسم و رواج کے تحت منعقد ہوئی تھی جس میں قریبی دوستوں اور اہل خانہ نے شرکت کی تھی۔ 

جوڑے کے اس اعلان کے بعد ان کے مداح  اب ان کے گھر آنے والے نئے مہمان کا بے صبری سے انتظار کر رہے ہیں۔