شارٹ ویڈیو شیئرنگ ایپ ٹک ٹاک نے امریکی صارفین کے لیے ایک علیحدہ ایپلی کیشن متعارف کرانے کی تیاری مکمل کر لی ہے، جو اُس صورت میں فعال کی جائے گی جب امریکا میں ٹک ٹاک پر باقاعدہ پابندی نافذ ہو گی۔

واضح رہے کہ امریکی حکومت پہلے ہی ایسا قانون منظور کر چکی ہے، جس کے مطابق اگر ٹک ٹاک اپنے امریکی آپریشنز کسی امریکی کمپنی یا فرد کو فروخت نہیں کرتا، تو ایپ کو ملک میں بند کر دیا جائے گا۔

اسی قانون کے تحت سابق امریکی صدر ڈونلڈ ٹرمپ اب تک تین بار ٹک ٹاک پر پابندی کی تاریخ میں توسیع کر چکے ہیں۔ ابتدائی منصوبے کے مطابق ٹک ٹاک کو جنوری 2025 تک اپنے امریکی آپریشنز فروخت کرنا تھے، مگر اب نئی ڈیڈ لائن 17 ستمبر مقرر کی گئی ہے۔

اگر اس بار بھی ٹک ٹاک کسی امریکی خریدار سے معاہدہ کرنے میں ناکام رہتا ہے، تو ایپ پر امریکا میں پابندی نافذ ہو جائے گی۔ تاہم امکان ظاہر کیا جا رہا ہے کہ ڈونلڈ ٹرمپ ایک بار پھر پابندی کی مدت میں توسیع کر سکتے ہیں۔

ٹک ٹاک نے کاروباری صارفین کے لیے اے آئی ویڈیو فیچر متعارف کرا دیا

ہ ٹک ٹاک اس سے قبل بھی اے آئی پر مبنی فیچرز متعارف کرا چکا ہے

ایسے میں رائٹرز کی ایک رپورٹ کے مطابق، ٹک ٹاک ایک نئی ایپلی کیشن متعارف کرانے کی تیاری میں ہے، جو موجودہ ایپ کی طرز پر تیار کی گئی ہے اور جسے امریکی مارکیٹ کے لیے مخصوص رکھا جائے گا۔

ذرائع کے مطابق، ٹک ٹاک امریکی صارفین کو ممکنہ طور پر ستمبر کے پہلے ہفتے میں نئی ایپلی کیشن جوائن کرنے کا آپشن دے گا، تاکہ اگر اصل ایپ پر پابندی عائد ہو بھی جائے تو صارفین کے لیے متبادل پلیٹ فارم دستیاب ہو۔

یہ نئی ایپ نہ صرف صارفین کو مسلسل سروس فراہم کرے گی بلکہ کمپنی کو ممکنہ قانونی پیچیدگیوں سے بچانے میں بھی مددگار ثابت ہو سکتی ہے۔