پاکستانی سپر اسٹار ہانیہ عامر نے مشرقی حسن کو خود پر طاری کرتے ہوئے دلکش جوڑے میں کروایا گیا فوٹوشوٹ فینز کے ساتھ شیئر کردیا،

18 ملین سے زائد انسٹاگرام فالوورز رکھنے والی اداکارہ ہانیہ عامر انسٹاگرام پر سب سے زیادہ فالو کی جانے والی پاکستانی مشہور شخصیت ہیں۔

ہانیہ عامر کا ناک میں بالی پہن کر اترانا توجہ کا مرکز

ہانیہ عامر کی ناک کی بالی دل جیتنے میں کامیاب

اے آر وائی ڈیجیٹل کے مشہور ڈرامہ سیریل 'کبھی میں کبھی تم' میں شاندار اداکاری سے خوب داد سمیٹنے والے دیگر مقبول ڈراموں میں 'دلربا'، 'تتلی' ، 'میرے ہمسفر'، 'عشقیہ'، 'سنگِ ماہ' اور 'مجھے پیار ہوا تھا' شامل ہیں۔

ہانیہ عامر کا شمار پاکستان کی شوخ مزاج اداکاراؤں کی فہرست میں ہوتا ہے جو اپنی شاندار اداکاری اور دلکشی کے علاوہ اپنی دلچسپ باتوں سے بھی لوگوں کے دل جیتنے میں کامیاب ہو چکی ہیں۔

ہانیہ عامر کا فیشن سینس بھی ہمیشہ توجہ کا مرکز بنتا ہے کیونکہ وہ بخوبی جانتی ہیں کہ انہیں کب، کیا اور کسطرح پہننا ہے۔

ہانیہ عامر کے شیشے جڑے لُک نے سب کو دیوانہ بنا لیا

ہانیہ عامر کا کڑکتی دھوپ میں دلکشی کی انتہا

ہانیہ عامر عموماً مغربی طرز کے ملبوسات پہنی ہی نظر آتی ہیں جبکہ ڈراموں میں وہ مشرقی فیشن کو فالو کرتی دکھتی ہیں۔

وہ پینٹ شرٹ، اسکرٹ، گاؤن کے علاوہ شلوار قمیص، پشواس، ساڑھی و دیگر ملبوسات میں بھی حسن کے جلوے بکھیر چکی ہیں۔

بھارتی پنجابی فلم 'سردار جی 3' میں بھی انکا لُک فلم بینوں کو خوب بھایا اور سوشل میڈیا پر ہر طرف انکے ناز و انداز کے چرچے ہورہے ہیں۔

اداکارہ فلم میں زیادہ تر ویسٹرن ڈریس نظر آئیں لیکن انسٹاگرام پر انہوں نے اپنا مشرقی انداز شیئر کر کے تعریفوں کے ٹوکرے سمیٹ لیے ہیں۔

ہانیہ عامر کی جانب سے شیئر کی گئیں تصاویر میں وہ مرون فرنٹ اوپن لانگ قمیص کے ساتھ میچنگ ٹراؤزر پہنی نظر آئیں جس پر دلکش کٹ ورک کیا گیا۔

قمیص اور ٹراؤزر کے ساتھ میچنگ دوپٹہ لیکر ہانیہ عامر نے اپنے لُک کو مشرقی رنگ میں بھرپور رنگ دیا جبکہ کانوں میں پہنے گئے سلور جھمکے بھی تعریفوں کا مرکز بنے۔

ہانیہ عامر کا ’ڈنگ ڈونگ ڈولے‘ پر پُرجوش رقص

ہانیہ عامر نے تشار کپور کے گیت پر رونق لگادی

ہانیہ عامر کا یہ حسین جوڑا پاکستانی کلاتھنگ برانڈ 'مریم حسین' کا شاہکار ہے جس نے اداکارہ کی خوبصورتی میں چار چاند لگادیے۔

ہانیہ عامر  نے اس لُک کو مزید دلکش بناتے ہوئے مینچنگ اسٹیلیٹوز کو پیروں کی زینت بنایا جس نے انکی ہائیٹ میں بھی واضح اضافہ کیا۔

فینز کی جانب سے ہانیہ عامر کا یہ حسین لُک بے انتہا پسند کیا جارہا ہے اور کمنٹ سیکشن اس بات کا ثبوت بن چکا ہے۔