مرحوم پاکستانی ماڈل و اداکارہ حمیرا اصغر کی لاش ملنے کے بعد پولیس نے واقعے کی نوعیت جاننے کے لیے تحقیقاتی ٹیم تشکیل دے دی ہے۔

کراچی جیسے شہر میں جہاں ہر روز نئے چہروں اور کہانیوں کا ہجوم رہتا ہے، وہاں ایک سناٹا سا چھا گیا جب ڈیفنس کے ایک فلیٹ سے پاکستانی ماڈل و اداکارہ حمیرا اصغر کی لاش برآمد ہوئی۔

ابتدائی اطلاعات کے مطابق یہ لاش تقریباً 8 سے 10 ماہ پرانی تھی اور حالت گلنے سڑنے کے آخری مرحلے میں تھی۔

حمیرا کی موت ’قتل‘ ہے، شہری کی عدالت میں درخواست

شاہ زیب سہیل نامی شہری نے عدالت میں درخواست دائر کی ہے

اس واقعے نے جہاں حمیرا کی زندگی پر کئی سوالات کھڑے کیے ہیں، وہیں ہمارا معاشرتی رویوں پر بھی ایک کڑا امتحان بن گیا ہے۔

حمیرا اصغر 2018 سے مذکورہ فلیٹ میں اکیلی رہائش پذیر تھیں، وہ شوبز کی دنیا میں ایک ابھرتا ہوا نام تھیں مختلف فیشن شوز، ٹی وی اشتہارات اور ڈراموں میں کام کر چکی تھیں لیکن رفتہ رفتہ وہ نظروں سے اوجھل ہوتی چلی گئیں۔

حمیرا کی تدفین کیلئے سونیا، یاسر سمیت کئی افراد آگے آگئے

سونیا نے حمیرا کے لواحقین پر افسوس کا اظہار کیا۔

ان کی نجی زندگی کے بارے میں معلومات کم تھیں اور بظاہر وہ ایک خاموش اور تنہا زندگی گزار رہی تھیں۔

ان کے پڑوسی، دوست یا قریبی افراد نے کئی ماہ تک ان کی عدم موجودگی پر سوال تک نہ اٹھایا جو بذاتِ خود ایک اجتماعی بے حسی کا مظہر ہے۔

واقعے کی نوعیت کو دیکھتے ہوئے سینئر سپرنٹنڈنٹ پولیس ایس ایس پی ساؤتھ مہظور علی نے ایس پی کلفٹن عمران علی جاکھرانی کی سربراہی میں ایک تحقیقاتی ٹیم تشکیل دی ہے۔

ذوہیب حسن کا حمیرا کو ستارہ امتیاز دینے کا مطالبہ

اس ایوارڈ سے حمیرا کی جدوجہد مزید نمایاں ہوگی، ذوہیب حسن

ٹیم میں ڈیفنس، گزری، اور آئی ٹی برانچ سے افسران شامل کیے گئے ہیں، جو روزانہ کی بنیاد پر پیش رفت رپورٹ جمع کرائیں گے۔

پولیس کے مطابق، موت کی وجوہات میں درج ذیل امکانات جن میں طبعی موت، حادثہ، خودکشی، قتل شامل ہوسکتے ہیں۔

تحقیقاتی ٹیم نہ صرف جائے وقوعہ سے شواہد اکٹھا کر رہی ہے، بلکہ سی سی ٹی وی فوٹیج، فلیٹ میں موجود اشیاء اور اداکارہ کی سوشل میڈیا سرگرمیوں کا بھی تفصیلی جائزہ لے رہی ہے۔