بالی وڈ اداکار جیکی شروف نے فلم کے 23 سال مکمل ہونے پر فلم سے جڑی اپنی یادیں ایک ویڈیو کی شکل میں شیئر کردیں۔

یہ 2002 کا مون سون تھا جب فلم ’دیوداس‘ نے پہلی بار سینما گھروں کا رخ کیا اور پھر اس کے بعد بھارتی سینما کبھی ویسا نہ رہا۔

فلم میں شاہ رخ خان نے دل شکستہ دیوداس کا کردار ادا کیا، ایشوریا رائے پارو کے روپ میں جلوہ گر ہوئیں اور مادھوری ڈکشٹ نے چندر مُکھی کا کردار نبھایا،اس فلم نے بھارتی سینما پر گہرا نقش چھوڑا۔

جیسے ہی ’دیوداس‘ کو ریلیز ہوئے 23 سال مکمل ہوئے، فلم میں چنی لال کا یادگار کردار ادا کرنے والے اداکار جیکی شروف نے سوشل میڈیا پر اپنی یادیں تازہ کیں۔

انہوں نے سوشل میڈیا پلیٹ فارم ’ایکس‘ پر فلم کے کچھ جذباتی مناظر پر مشتمل ایک خاص ویڈیو کلپ شیئر کیا،  اس پوسٹ کے ساتھ انہوں نے لکھا کہ ’دیوداس فلم کے 23 سال‘

ویڈیو کا آغاز شاہ رخ خان کے ’دیوداس‘ اور جیکی شروف کے چنی لال کے درمیان ایک زبردست منظر سے ہوتا ہے، اس کے بعد کرن کھیر، ایشوریا رائے، اور مادھوری ڈکشٹ کے جذباتی مناظر دکھائے جاتے ہیں۔

جیکی شروف سے شادی کیلئے عائشہ نے کتنے پاپڑ بیلے؟

آسائشوں بھری زندگی کو لات مار کر عائشہ نے جیکی کا ساتھ چن لیا

’دیوداس‘ کو معروف ہدایتکار سنجے لیلا بھنسالی نے ڈائریکٹ کیا تھا، یہ فلم شرت چندر چٹرجی کے کلاسک ناول پر مبنی تھی۔

فلم کو اس کی شاندار سیٹ ڈیزائن، دلفریب موسیقی اور باکمال اداکاری کے لیے خوب سراہا گیا۔

آج بھی یہ فلم بھنسالی کے بہترین کاموں میں شمار کی جاتی ہے۔

مرکزی کرداروں کے علاوہ کرن کھیر، جیکی شروف، سمیتا جایکر اور جیا بھٹاچاریہ نے بھی فلم میں شاندار اداکاری کی، جو فلم کو یادگار بنانے میں اہم کردار تھی۔