اداکار ٹائیگر شروف نے آخر کار باغی 4 کے ٹیزر کے حوالے سے مداحوں کے بڑھتے ہوئے تجسس کو دور کردیا۔

گزشتہ چند روز سے سوشل میڈیا پر مداحوں کے بنائے گئے متعدد پوسٹرز وائرل ہورہے تھے جن میں فلم کے ٹیزرز میں تاخیر پر سوالات اٹھائے جارہے تھے۔

مسلسل ناکامی کے بعد ٹائیگر ‘باغی 4‘ سے کمبیک کیلئے تیار

اداکار کی جانب سے کریئر 'ری اسٹارٹ' کرنے کا اہم فیصلہ

چنانچہ 15 جولائی کو اپنے آفیشل انسٹاگرام ہینڈل پر دو حیران کن تصاویر شیئر کرتے ہوئے، ٹائیگر نے اپنے فالوورز کو یقین دلایا کہ فلم کی آفیشل اپڈیٹ جلد سامنے آنے والی ہے۔

ایک پوسٹر میں Where is Baaghi 4? یعنی 'باغی 4 کہاں ہے؟' کا نعرہ ایک کیلنڈر بیک گراؤنڈ پر نمایاں ہے، جس کے ساتھ یہ پیغام درج ہے کہ 'اب ستمبر آ چکا ہے۔۔ مداحوں کو خاموشی نہیں، ٹریلر چاہیے، یوٹیوب پر ٹیزر جاری کریں۔'

دوسری تصویر میں ٹائیگر شروف کا خون آلود اور سنجیدہ انداز دکھایا گیا ہے، جو فلم کے ایکشن سے بھرپور ماحول کی جھلک دیتا ہے۔

تصویر کے ساتھ، ٹائیگر نے کیپشن میں لکھا کہ 'پیاری آرمی مجھے آپ سب کو انتظار کروانے کے لیے بہت افسوس ہے، میں روزانہ آپ کے پیغامات اور پوسٹس دیکھ رہا ہوں اور مجھ پر بھروسہ کریں کہ میں اسے جلد از جلد آپ کے ساتھ شیئر کرنے کے لیے اتنا ہی پرجوش ہوں! میں آپ سے وعدہ کرتا ہوں کہ یہ انتظار کے قابل ہے! آپ کو پہلے پرومو پر جلد ہی ایک باضابطہ اپ ڈیٹ دینے والا ہوں، غیر متوقع کی توقع کریں'!

انہوں نے مداحوں کی حمایت کو بھی سراہا اور مزید کہا کہ 'وہ تمام پوسٹرز جو آپ لوگ بنا رہے ہیں مجھے پسند آرہے ہیں، بہت شکریہ بس وقت آ ہی گیا ہے ساتھ ہی انہوں نے پروڈکشن ہاؤس کو بھی ٹیگ کیا'۔

باغی 4، سنجے دت کس 'خوں خوار' کردار میں جلوہ گر ہوں گے؟

ٹائیگر شروف نے مداحوں کو اہم اپڈیٹ فراہم کردی

باغی فرنچائز کا آغاز 2016 میں ہوا تھا جو ٹائیگر شراف کی تجارتی لحاظ سے سب سے کامیاب ایکشن سیریز میں سے ایک ہے اور اپنے شاندار اسٹنٹس، جذباتی پلاٹ اور ہائی آکٹین ویژول کے لیے مشہور ہے۔

باغی 3 سال 2020 میں ریلیز ہوئی تھی جو COVID-19 وبائی بیماری سے پہلے آخری بڑی تھیٹر ریلیز میں شامل تھی۔

حالانکہ باغی 4 کے میکرز بشمول پروڈیوسر ساجد ناڈیاڈوالا کی کمپنی ناڈیاڈوالا گرینڈسن انٹرٹینمنٹ، نے ابھی تک ٹیزر کی ریلیز کی تاریخ کی باضابطہ تصدیق نہیں کی لیکن ٹائیگر کی پوسٹ اشارہ کرتی ہے کہ مداحوں کو زیادہ انتظار نہیں کرنا پڑے گا۔