یوٹیوبر یاسر شامی کے ہاں دوسرے بیٹے کی پیدائش ہوگئی۔

 منفرد اندازِ گفتگو اور  ہر اہم موضوع پر آواز بلند کرنے والے  یاسر شامی نے اپنے کریئر کی شروعات بطور صحافی کی بعدازاں انہیں شہرت ’ڈیلی پاکستان’ کے پلیٹ فارم سے ملی، جہاں وہ لوگوں سے دل کو چھو لینے والی گفتگو کرتے نظر آئے۔

ان کے اندازِ بیان، مزاحیہ سوالات، اور انسانیت سے بھرپور رپورٹس نے انہیں لاکھوں دلوں کا پسندیدہ بنا دیا ہے، ان کی ویڈیوز میں اکثر معاشرتی مسائل، دردناک کہانیاں، اور اصلاحی پہلو شامل ہوتے ہیں۔

عامر لیاقت کی نازیبا ویڈیو کیس ، یاسر شامی بے گناہ قرار

یاسر شامی کے خلاف کوئی شواہد نہیں ملے

حال ہی میں انہوں نے اپنی فیملی میں نئے فرد کا اضافہ کیا ہے جسکا اعلان سوشل میڈیا پوسٹ کے ذریعے سامنے آیا۔

 یاسر شامی نے فوٹو اینڈ ویڈیو شیئرنگ ایپ انسٹاگرام پر پوسٹ شیئر کی جس میں انہیں اہلیہ اور نومولود کے ہمراہ لیبر روم میں دیکھا جاسکتا ہے۔

اس تصویر کیساتھ خوش دلی کا اظہار کرتے ہوئے یاسر شامی نے کیپشن میں بیٹے کی پیدائش کا اعلان کیا اور لکھا کہ،‘ہم خوشی اور شکرگزاری کے جذبات کے ساتھ یہ اعلان کرتے ہیں کہ ہمارے ہاں دوسرے بیٹے کی پیدائش ہوئی ہے’۔

لگے ہاتھوں انہوں نے نومولود کے نام سے آگاہ کرتے ہوئے یہ بھی بتایا کہ، ہم نے اپنے بیٹے کا نام ’اوحد یاسر شامی’ رکھا ہے’۔

انہوں نے اہلیہ اور بیٹے کی ہیلتھ اپڈیٹ شیئر کرنے کیساتھ ڈاکٹر  اور انکی ٹیم کا بھی شکریہ ادا کیا اور مزید لکھا کہ،‘اس خوبصورت سفر کے دوران غیر معمولی دیکھ بھال اور مسلسل تعاون فراہم کرنے پر ہم دل کی گہرائیوں سے ڈاکٹر طیبہ وسیم کا شکریہ ادا کرتے ہیں کیونکہ ان کی مہارت اور ہمدردی ہمارے لیے بے حد قیمتی رہی ہے’۔

کیپشن کا اختتام کرتے ہوئے یاسر شامی نے مزید لکھا کہ،‘ہم اپنے ننھے فرشتے کی آمد پر بے حد پُرجوش ہیں اور اس نعمت پر رب کے شکر گزار ہیں جو وہ ہمارے خاندان میں محبت اور خوشیوں کی صورت میں لے کر آیا ہے۔

یاسر شامی اور دانیہ شاہ کے وارنٹ گرفتاری جاری

بشریٰ اقبال میدان میں آگئیں

یاسر شامی کے نومولود کے اعلان کی پوسٹ جیسے ہی سوشل میڈیا کی زینت بنی وہیں صارفین اور انکے لاکھوں چاہنے والوں کی جانب سے مبارکبادی پیغامات کا سلسلہ شروع ہوگیا۔

اور کمنٹ سیکشن میں لوگ یاسر شامی کو ایک بار پھر ولدیت قبول کرنے پر مبارکبادی پیغامات دیتے نظر آرہے ہیں۔