پاکستانی ڈراما انڈسٹری کی اداکارہ، گلوکارہ ، ماڈل اور وائس اوور آرٹسٹ حرا مانی نے عروسی جوڑے میں رقص کرتے ویڈیو سوشل میڈیا کی زینت بناکر ایک بار پھر تہلکہ مچادیا۔

پہلے ماڈلنگ، پھر اداکاری  اور ساتھ ساتھ گلوکاری کی دنیا میں شوخیاں بکھیرنے والی حرا مانی کا شمار شوخ چنچل اداکاراؤں کی فہرست میں کیا جاتا ہے جو اپنی زندگی کو کھل کر جینے کا شوق رکھتی ہیں۔

انہوں نے اپنے کرئیر میں کئی سپر ہٹ ڈراموں میں کام کیا، جن میں 'دو بول'، 'میرے پاس تم ہو'، 'سن یارا'، 'دل موم کا دیا'، 'غلطی'اور 'یوں تو ہے پیار بہت' سمیت کئی نام شامل ہیں جبکہ انہیں ان دنوں ڈراما سیریل ’ڈائن’ میں شہباب کے کردار سے خوب داد وصول ہورہی ہے۔

لیکن اسی کیساتھ ساتھ حرا مانی نے تو جیسے سوشل میڈیا کو اپنا دوسرا گھر ہی بنالیا ہے جہاں وہ آئے دن اپنی پوسٹس کے سبب خوب چرچوں میں رہتی ہیں۔

حرا مانی نے اپنے ٹیلنٹ میں نیا اضافہ کرلیا

اداکارہ کی وائس ڈبنگ کے میدان میں دبنگ انٹری

اس بار بھی کچھ ایسا ہی دیکھنے کو ملا جب انہوں نے کچھ نیا کرنے کیلئے نوے کی دہائی کی دلہن کا روپ اپنایا اور کیمرے آن کرکے رقص کرنا شروع کردیا۔

فوٹو اینڈ ویڈیو شیئرنگ ایپ انسٹاگرام پر شیئر کردہ ویڈیو میں حرا مانی بھاری بھرکم لہنگا چولی میں ملبوس ہیں، جبکہ بے تحاشہ زیورات اور میک اپ میں خود کو نئی نویلی دلہن سمجھ رہی ہیں۔

ویسے تو اس کلپ میں اداکارہ کسی گانے پر رقص کررہی ہیں لیکن اس گانے کو میوٹ کرکے عاشق اور محبوب پر مبنی اشعار اس منظر کو خاص بنانے میں اہم کردار ادا کررہے ہیں۔

جھومتے ، گاتے اور ادائیں دکھاتے حرا مانی نے اپنے اس نازو انداز کو سوشل میڈیا کی زینت بنایا اور کیپشن میں بھی شاعرانہ انداز اپنالیا۔

انہوں نے لکھا کہ،‘کیا تم نے کبھی اپنی ہی آنکھوں میں جھانکا ہے؟خاموشی میں اپنا نام سنا ہے؟آئینے کے پار جو چہرہ دکھائی دیتا ہے،کیوں نہ رُک کر مجھے واقعی پہچانو؟’۔

اس ریل کے منظرعام پر آتے ہی حرا مانی کی اداؤں کو سوشل میڈیا صارفین خوب پسند کرتے نظر آرہے ہیں  اور کمنٹ سیکشن میں تعریفوں کو پھول نچھاور کررہے ہیں۔