سال 2025 کی پہلی ششماہی اختتام پذیر ہوچکی ہے، اور اب تک سال میں باکس آفس پر کونسی فلم کامیاب رہی اور کونسی ناکامی سے ہمکنار ہوئی اس کی فہرست جاری کردی گئی ہے۔

چھاوا اور ایل 2: ایمپوران جیسی فلموں نے باکس آفس پر غلبہ حاصل کیا، جبکہ تھڈارم اور ستارے زمین پر جیسی چھوٹی فلموں نے بھی کچھ پذیرائی حاصل کی۔

باکس آفس رپورٹ کارڈ؛ سال کی سب سے کامیاب فلم کونسی؟

اس سال بھارتی باکس آفس نے گزشتہ سال سے 27 فیصد بہتر کارکردگی دکھائی۔

تاہم ایک جانب جب باکس آفس کلیکشن رپورٹس میں ریکارڈ توڑنے والی فلموں کا غلبہ تھا وہیں ایک چھوٹی سی فلم جس میں کوئی نامی گرامی اسٹار نہیں تھا، کم از کم منافع کے لحاظ سے ان سب کو پیچھے چھوڑنے میں کامیاب رہی۔

تامل سلیپر ہٹ، ٹورسٹ فیملی، اس سال کی اب تک کی سب سے زیادہ منافع بخش ہندوستانی فلم ثابت ہوئی ہے۔

صرف 7 کروڑ روپے کے بجٹ میں ابیشان جیونتھ کی ہدایت کاری میں بننے والی اس فلم نے دنیا بھر میں 90 کروڑ روپے سے زیادہ کی کمائی کی۔

یوں اس کے بجٹ کے لحاظ سے اس فلم کو حاصل ہونے والا منافع حیران کن طور پر 1200 فیصد ہوگیا۔

ٹورسٹ فیملی ایک مزاحیہ ڈرامہ ہے جس میں ایم سدی کمار، سمرن، متھن جئے شنکر اور کملیش جگن مرکزی کرداروں میں ہیں۔

'چھاوا' سال کی سب سے زیادہ کمائی کرنے والی فلم بن گئی

وکی کوشل کی فلم نے اسکائی فورس کو پیچھے چھوڑ دیا۔

29 اپریل کو ریلیز ہونے والی اس فلم کو ناقدین کے شاندار تجزیے اور مداحوں کی جانب سے بہت زیادہ پیار ملا۔

فلم نے اپنے پہلے ہی ہفتے میں 23 کروڑ کمالیے تھے لیکن زبانی تعریفوں کی بدولت پھیلی شہرت کے سبب اس نے دوسرے ہفتے میں مزید بہتر کارکردگی کا مظاہرہ کرتے ہوئے 29 کروڑ کمائے۔

پانچ ہفتوں کے بعد فلم نے آخر کار دنیا بھر میں 90 کروڑ روپے کمانے کے ساتھ اپنی دوڑ ختم کر دی، جس میں صرف بھارت سے اسے 62 کروڑ روپے کا بزنس ہوا۔

دوسری جانب چھاوا اس سال کی سب سے زیادہ کمائی کرنے والی ہندوستانی فلم ہے، جس نے دنیا بھر میں 808 کروڑ روپے کمائے۔

تاہم اگر فلم کا 90 کروڑ روپے کا بجٹ مدِ نظر رکھا جائے تو اس کا مطلب ہے کہ اس کا منافع 'صرف' 800 فیصد رہا ہے۔ یہ ایک متاثر کن کارکردگی ہے، لیکن ٹورسٹ فیملی کی کمائی سے کم ہے۔

سال 2024 میں سب سے زیادہ منافع کمانے والی بھارتی فلم

یہ فلم محض 3 کروڑ روپے کے بجٹ سے تیار ہوئی جس میں کوئی نامور اسٹار نہیں۔

اس کے علاوہ ملٹی اسٹار کاسٹ پر مشتمل ہاؤس فل 5 اپنے زیادہ بجٹ کی وجہ سے دنیا بھر میں 300 کروڑ کمانے کے باوجود منافع کمانے میں کامیاب نہیں ہو سکی، یہی معاملہ سلمان خان کی فلم سکندر کا بھی رہا۔

البتہ عامر خان کی ستارے زمین پر نے اب تک 300 منافع کما لیا ہے، 65 کروڑ روپے کے بجٹ سے بننے والی یہ فلم اب تک 260 کروڑ روپے کما سکی ہے۔

تامل اور ملیالم سنیما کی کئی دیگر فلمیں بھی شاندار منافع کمانے میں کامیاب رہی ہیں، اگرچہ۔ تامل فلم ڈریگن نے بھی باکس آفس پر 300 فیصد منافع کمایا، جب کہ ملیالم ہٹ تھڈارم نے 720 فیصد منافع کمایا۔

سنکرانتھیکی واستونم، سال کی سب سے زیادہ کمائی کرنے والی تیلگو فلم نے بھی اپنے 60 کروڑ کے بجٹ سے تقریباً 300 فیصد منافع کمایا ہے۔