برطانوی راک بینڈ کولڈ پلے کے حالیہ کنسرٹ نے دنیا بھر کے انٹرنیٹ پر ہنگامہ برپا کردیا ہے لیکن اس کی وجہ ان کی پرفارمنس نہیں بلکہ کچھ اور ہے۔

اس کنسرٹ کا ایک لمحہ پوری دنیا کے سوشل میڈیا پر وائرل ہے جس میں بینڈ کے مرکزی گلوکار کرس مارٹن غلطی سے ٹیکنالوجی کمپنی آسٹرنومر کے چیف ایگزیکٹو آفیسر اینڈی بائیرن اور ان کی کمپنی میں ایچ آر ہیڈ کرسٹین کیبوٹ کے معاشقے کا بھانڈا پھوڑ ڈالا۔

رانی مکھرجی اور گوندا کا معاشقہ جس نے طوفان برپا کردیا

بالی وڈ اداکار کم و بیش ہی اپنی فلموں کی کامیابی کے باعث  خبروں کی زینت بنتے ہیں...

بوسٹن کے قریب جیلیٹ اسٹیڈیم میں بینڈ کی بھرپور پرفارمنس جاری تھی اور حاضرین اس سے پوری طرح لطف اندوز ہورہے تھے۔

اسی اثنا میں 'کس کیم' مومنٹ میں کرس نے نادانستہ طور پر اسپاٹ لائف اس جوڑے پر ڈالی جو ایک دوسرے کی بانہوں میں بانہیں ڈالے کنسرٹ سے لطف اندوز ہورہا تھا۔

تاہم اسپاٹ لائٹ کا یہ لمحہ اس وقت ایک تباہی میں بدلا جب کیمرے پر نظر آتے ہی سیکنڈز سے بھی کم لمحے میں مرد نیچے بیٹھ گیا اور خاتون نے اپنا منہ چھپاتے ہوئے کیمرے کی جانب پیٹھ کرلی۔

جیسے ہی کیمرے نے اس جوڑے کی جھلک دکھائی گلوکار کرس اسے ایک محبت بھرا لمحہ سمجھے اور کہا کہ 'ان دونوں کو دیکھیے' تاہم ان کے چہرے چھپانے کے غیر متوقع اقدام نے گلوکار کو کنفیوز کر ڈالا، جس کے بعد گلوکار یہ کہتے ہوئے سنائی دیے' اوہ، کیا! یا تو ان کا افیئر ہے یا پھر یہ بہت شرمیلے ہیں'۔

تاہم گلوکار کو جلد ہی اپنی غلطی کا احساس ہوگیا اور وہ 'اوہ شٹ' کہتے نظرآئے۔

دوسری جانب یہ لمحہ جنگل میں آگ کی طرح دنیا بھر کے سوشل میڈیا پر وائرل ہوگیا اور اس پر میمز اور پیروڈی ویڈیوز کی بھرمار ہوگئی۔

خیال رہے کہ اینڈی براؤن میگن کیریگن نامی خاتون سے شادی شدہ ہیں جبکہ ان کے ساتھ موجود ان کی ایچ آر ہیڈ کینتھ سی تھورنبائے نامی شخص سے رشتہ ازدواج میں منسلک ہیں۔

بابرہ شریف کا دبئی کے شیخ سے معاشقہ؟

پاکستان کی نامور ماڈل و اداکارہ بابرہ شریف کو اگر ان کے دور کی بڑی فنکارہ کہا جائے...

دوسری جانب یہ ویڈیو وائرل ہونے کے بعد اینڈی براؤن کی اہلیہ میگن نے اپنا سوشل میڈیا پیج ڈیلیٹ کردیا۔

علاوہ ازیں کمپنی کے لنکڈ ان پروفائل سے کرسٹین کوبیٹ کے تقرر کی خبر کی پوسٹ بھی ڈیلیٹ کردی گئی ہے۔