کھیل

محمد آصف نے ورلڈ ماسٹر اسنوکر چیمپئن شپ جیت لی

پاکستانی کیوئسٹ نے بھارتی حریف کو سنسنی خیز مقابلے کے بعد شکست دی۔

Web Desk

9 months ago

محمد آصف نے ورلڈ ماسٹر اسنوکر چیمپئن شپ جیت لی

پاکستانی کیوئسٹ نے بھارتی حریف کو سنسنی خیز مقابلے کے بعد شکست دی۔

پاکستان کے کیوئسٹ محمد آصف نے آئی بی ایس ایف ورلڈ ماسٹر اسنوکر چیمپئن شپ کے فائنل مقابلے میں بھارتی حریف برجیش دمانی کو 3-4 فریم سے شکست دے کر ٹائٹل اپنے نام کر لیا ہے۔

بحرین کے دارالحکومت مناما میں جاری چیمپئن شپ کے فائنل مقابلے میں ابتدائی 2 فریم قومی کیوئسٹ محمد آصف نے اپنے نام کیے۔

تاہم لگاتار 3 فریمز میں بھارتی حریف نے محمد آصف کو شکست دے کر مقابلہ 2-3 کر کے برتری حاصل کر لی۔

عالمی چیمپئن نے ایک بار پھر شاندار کم بیک کرتے ہوئے اگلے دونوں فریم جیت کر مقابلہ 3-4 سے اپنے نام کر لیا۔

محمد آصف کی جیت کا اسکور 98-37، 75-55، 00-80، 49-52، 41-64، 91-29 اور 78-9 رہا۔

واضح رہے کہ یہ محمد آصف کے کریئر کا چھٹا ورلڈ ٹائٹل ہے۔انہوں نے اس سے قبل 2 ورلڈ ٹیم چیمپئن شپ اور 3 انفرادی چیمپئن شپ جیتی ہیں۔

قبل ازیں، پاکستانی کیوئسٹ حسنین اختر نے بھی مناما میں جاری چیمپئن شپ کے دوران انڈر 17 کا ورلڈ ٹائٹل جیت لیا ہے۔

فائنل مقابلے میں قومی کیوئسٹ محمد حسنین نے ویلز کے رائلی پاول کو یک طرفہ مقابلے میں سے0-4 سے شکست دے کر ٹائٹل اپنے نام کیا۔ 16 سالہ حسنین اختر نے کھیل کے آغاز کے ساتھ ہی بہترین کھیل کا مظاہرہ کرتے ہوئے حریف کھلاڑی کو سنبھلنے کا موقع ہی نہیں دیا۔