بگ باس 13 سے شہرت کی بلندیوں کو چھونے والی شہناز گل ایک بار پھر خبروں کی زینت بن گئی ہیں، مگر اس بار وجہ کچھ مختلف ہے۔

 ہنی سنگھ کی گھڑیوں کے نئے برانڈ کی لانچ تقریب میں شرکت کے دوران شہناز کے پہنے گئے منی ڈریس نے سوشل میڈیا پر ایک نیا طوفان برپا کر دیا۔

تقریب میں شہناز گل کی فٹنس اور دلکش انداز نے پہلے تو سب کو متاثر کیا، لیکن جیسے ہی ایک ویڈیو کلپ وائرل ہوا ، معاملہ تیزی سے ایک تنازع کی صورت اختیار کر گیا۔

اس کلپ میں شہناز کو تقریب کے بعد بیٹھتے ہوئے اپنا لباس سنبھالتے اور کیمرہ مین سے درخواست کرتے ہوئے دیکھا جا سکتا ہے کہ وہ ان کے ’اوپس مومنٹ‘کو ریکارڈ نہ کریں۔

شہناز گِل کی زندگی میں کُشال ٹنڈن کی رومانوی انٹری

شہناز گِل نے سدہارتھ کے بعد کُشال ٹنڈن کا ہاتھ تھام لیا

سوشل میڈیا پر صارفین نے شہناز کے لباس کو نشانے پر لے لیا۔ کچھ نے لکھا کہ ‘ایسے کپڑے پہنتے ہی کیوں ہیں جس میں انسان آرام سے بیٹھ بھی نہیں سکتا؟ ’شہناز اگر آپ میں اتنی ہی شرم ہے تو ایسا ڈریس پہن کر کیوں آئیں؟‘

تنازع کے باوجود شہناز گل نے اسی سلور اسٹریپی سلیوز لیس منی ڈریس میں اپنی شاندار تصاویر انسٹاگرام پر شیئر کیں۔

انہوں نے چمکدار ہیلز، ڈھیلے کرلز، لانگ ایئر رنگز اور نیوڈ میک اپ کے ساتھ ایک مکمل بولڈ لیکن نفیس انداز اپنایا۔ اسموکی آئیز کے ساتھ ان کا لک مزید نمایاں ہو گیا۔  

خیال رہے کہ اداکاری کے میدان میں شہناز کا کیریئر بھی تیزی سے ترقی کر رہا ہے۔ حال ہی میں وہ راج کمار راؤ اور ترپتی دمری کی فلم ‘وکی ودیا کا وہ والا ویڈیو’ کے گانے ‘سجنا وے سجنا’ میں نظر آئیں۔

انہوں نے سلمان خان کی فلم ‘کسی کا بھائی کسی کی جان’ سے بالی وڈ میں ڈیبیو کیا تھا۔ 

دلکش تصاویر یہاں دیکھیں