پاکستان کے معروف مذہبی اسکالر مولانا طارق جمیل نے سوشل میڈیا پر اپنی وائرل ہونے والی ویڈیو پر وضاحت جاری کی ہے۔

خیال رہے کہ سوشل میڈیا پر مولانا کی ایک ویڈیو وائرل ہورہی ہے جس میں وہ ملائیشیا کی ایک مسجد میں بیان دیتے ہوئے نظر آرہے ہیں۔

عمران خان کی رہائی سے متعلق مولانا طارق جمیل کی بڑی پیشگوئی

سو فیصد یقین تھا کہ عمران خان ڈیل نہیں کرے گا، مولانا طارق جمیل

مذکورہ ویڈیو میں مولانا کو عمران خان کی تعریف کرتے ہوئے یہ کہتے سنا گیا کہ 'اللہ سے عمران خان کے لیے دعا کرو، اس نے ہمیں ایک بہترین لیڈر دیا ہے، میرا بہت قرب ہے ان کے ساتھ، اتنا درویش، سچا و کھرا اور دین کا درد رکھنے والا حکمران میں نے نہیں دیکھا'۔

اگرچہ مولانا کی یہ ویڈیو یا آڈیو فیک نہیں بلکہ اصلی ہیں لیکن اس میں جعلسازی ضرور کی گئی ہے۔

اس بارے میں مائیکرو بلاگنگ پلیٹ فارم ایکس پر ایک پوسٹ کرتے ہوئے ان کا کہنا تھا کہ 'میری ملائیشیا کی مسجد میں کی گئی تقریر کو سوشل میڈیا پر پرانی آڈیو کے ساتھ شیئر کیا جا رہا ہے، جس میں تالیوں کی آواز اور سیاسی مفہوم شامل کر کے ویڈیو کا اصل پیغام بدل دیا گیا ہے'۔

پوسٹ میں مزید کہا گیا کہ 'یہ عمل درست نہیں، نہ ہی دیانت داری کے تقاضوں کے مطابق ہے، ملائیشیا کے بیان کے ترجمان نے بھی اس کی وضاحت جاری کی ہے'۔

دوسری جانب ملائیشیا میں ان کی ترجمانی کرنے والے ایک صاحب کی ویڈیو بھی ٹک ٹاک پر گردش کررہی ہے جس میں وہ مولانا کی بات کی تائید کرتے نظر آرہے ہیں۔

مولانا طارق جمیل کا ارشد ندیم کیلئے عشائیہ، انعام بھی دیا

دعوت کا اہتمام تلمبہ میں مولانا کی رہائش گاہ پر کیا گیا۔

ترجمان کا کہنا تھا کہ 'میں مولانا کا مترجم تھا، مولانا نے اس مجلس میں ایک لفظ بھی عمران خان کے بارے میں نہیں بولا تھا، جس نے بھی ایڈٹنگ کر کے یہ ویڈیو بنائی ہے یہ جھوٹ اور فتنہ ہے، اس وضاحتی ویڈیو کو زیادہ سے زیادہ شیئر کریں۔