پاکستان میں سوشل میڈیا استعمال کرنے والے 16 سال سے کم عمر افراد کے اکاؤنٹس کے گرد گھیرا تنگ ہوگیا۔

میڈیا رپورٹس کے مطابق سینیٹ میں سوشل میڈیا (حد عمر برائے صارفین) بل 2025 پیش کردیا گیا ہے جس کے تحت 16 سال سے کم عمر افراد پر سوشل میڈیا اکاؤنٹس بنانے پر پابندی کی تجویز دی گئی ہے۔

16 سال سے کم عمر نوجوانوں کے سوشل میڈیا استعمال کرنے پر پابندی

سوشل میڈیا بچوں کو نقصان پہنچا رہا ہے، وزیراعظم

سینیٹ کا اجلاس چیئرمین سید یوسف رضا گیلانی کے زیرصدات منعقد ہوا جس میں پیپلزپارٹی کے سینیٹر سرمد علی اور مسرور احسن نے سوشل میڈیا (حد عمر برائے صارفین) بل 2025 پیش کیا۔

بل کے متن کے مطابق 16 سال سے کم عمر افراد پر سوشل میڈیا اکاؤنٹس بنانے پر پابندی ہوگی، اور سوشل میڈیا کمپنیوں پر نابالغ صارفین کے اکاؤنٹس روکنے کی قانونی ذمہ داری عائد ہوگی۔

بل میں کہا گیا ہے کہ نابالغ صارف کو سوشل میڈیا تک رسائی دینے پر سوشل میڈیا پلیٹ فارم پر 50 ہزار روپے سے لے کر 50 لاکھ روپے تک جرمانہ عائد ہو سکتا ہے۔

نوعمر بچوں کے سوشل میڈیا استعمال کرنے پر پابندی کا فیصلہ

پابندی کس عمر تک کے بچوں پر لگائی جائے گی؟

بل کے مطابق نابالغ افراد کو سوشل میڈیا اکاؤنٹ بنانے میں سہولت دینے والے کو 6 ماہ قید اور جرمانے کی سزا دی جائے گی۔

بل میں کہا گیا ہے کہ پاکستان ٹیلی کمیونی کیشن اتھارٹی ( پی ٹی اے ) نابالغوں کے موجودہ سوشل میڈیا اکاؤنٹس بند کرے گی، پی ٹی اے کو قواعد و ضوابط بنانے اور وضاحتوں کا اختیار حاصل ہوگا۔

بل کے متن میں کہا گیا ہے کہ بل کا مقصد بچوں کو آن لائن استحصال، سائبر بلیئنگ اور نقصان دہ مواد سے بچانا ہے۔

بل کے مطابق حکومت نے والدین اور بچوں میں ڈیجیٹل شعور بیدار کرنے کا فیصلہ کیا ہے، علاوہ ازیں اس بل کو آسٹریلیا اور نیوزی لینڈ کی پالیسیوں سے ہم آہنگ قدم قرار دیا گیا ہے۔